Kardynał Pjetra Paralin palacieŭ ź Biełarusi zvyčajnym rehularnym rejsam FOTAFAKT
Zaviaršyŭsia aficyjny vizit u Biełaruś Dziaržaŭnaha Sakratara Papy Franciška kardynała Pjetra Paralina. Kardynał znachodziŭsia ŭ našaj krainie z 12 pa 15 sakavika.
15 sakavika Dziaržaŭny Sakratar Jaho Śviataści adlacieŭ u Rym z Nacyjanalnaha aeraporta «Minsk» zvyčajnym rehularnym rejsam.
U aeraporcie na raźvitańni z kardynałam prysutničali ŭsie členy Kanfierencyi Katalickich Biskupaŭ Biełarusi, Apostalski Nuncyj u Biełarusi arcybiskup Kłaŭdyjo Hudžeroci, Pieršy sakratar Apostalskaj Nuncyjatury mansińjor Filipa Čampanelli, Apostalski vizitatar dla hreka-katolikaŭ Biełarusi archimandryt Siarhiej Hajek. Ad imia dziaržaŭnych uładaŭ Biełarusi prysutničali namieśnik ministra zamiežnych spraŭ Respubliki Biełaruś Alena Kupčyna i Nadzvyčajny i Paŭnamocny Pasoł Respubliki Biełaruś pry Śviatym Pasadzie Siarhiej Alejnik.
Prysutnyja ciopła raźvitalisia ź Dziaržaŭnym Sakratarom Papy.
Aficyjny vizit kardynała Pjetra Paralina ŭ Biełaruś adbyŭsia pa zaprašeńni dziaržaŭnych uładaŭ našaj krainy.
Za čas svajho prabyvańnia ŭ Biełarusi ijerarch pryniaŭ udzieł u sustrečach na dziaržaŭnym uzroŭni, u tym liku z Alaksandram Łukašenkam, sustreŭsia z Patryjaršym Ekzarcham usiaje Biełarusi Mitrapalitam Minskim i Zasłaŭskim Paŭłam, aśviaciŭ pieršy kamień novaha budynka Apostalskaj Nuncyjatury ŭ Minsku.
Adbyŭsia ŭračysty pryjom, arhanizavany Apostalskaj Nuncyjaturaj z nahody vizitu Dziaržaŭnaha Sakratara i ŭ druhuju hadavinu abrańnia Papy Franciška. Taksama kardynał pryniaŭ udzieł u cyrymonii ŭskładańnia vianka da manumienta na minskaj płoščy Pieramohi, sustreŭsia z katalickimi biskupami Biełarusi, pravioŭ pres-kanfierencyju ŭ Nacyjanalnaj biblijatecy, naviedaŭ miždyjacezijalnaje vielikaposnaje čuvańnie moładzi ŭ minskim kaściole svv. Symona i Aleny i celebravaŭ śviatuju Imšu z udziełam dziaciej u archikatedralnym kaścioł
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6
Kamientary