Na miažy Minskaj i Bresckaj abłaściej na trasie M-1 kala fihury hihanckaha zubra chočuć pabudavać kafe. Jak piša BiełTA, pracoŭnaja nazva prajekta — «Kryły družby». Ź idejaj vystupiŭ Brescki abłvykankam.
Pavodle słoŭ staršyni kamiteta pa architektury i budaŭnictvie Bresckaha abłvykankama Andreja Słuckaha, fihura zubra ŭžo źjaŭlajecca kropkaj pryciahnieńnia. Ludzi tut časta spyniajucca dla fotasiesij i adpačynku.
— Samo saboj, naprošvajecca miesca, dzie možna było b i pierakusić, harbaty, kavy papić, — razvažaje Andrej Słucki.
Kala zubra taksama sustrakajuć delehacyi, jakija nakiroŭvajucca ŭ Bresckuju vobłaść.
Pavodle słoŭ čynoŭnika, prajektnyja instytuty ŭžo prapanavali niekalki varyjantaŭ dyzajnu abjekta i schiemu raźmiaščeńnia. U im buduć vykarystoŭvacca kamień, škło i pryrodnyja materyjały. Pracoŭnaja nazva — «Kryły družby». Terminy źjaŭleńnia abjekta pakul nie nazyvajucca.
— Budziem vychodzić u najbližejšy čas na dahavornyja adnosiny i budavać hetaje kafe, — udakładniŭ Andrej Słucki.
Ciapier čytajuć
Syna eks-kiraŭnika Bresckaj vobłaści asudzili za ŭdzieł u pratestach8
Kamientary