Try novaŭviadzieńni amnistyi-2025 — palohka pa narkatyčnych artykułach i pažyłym źniavolenym. Ale nie palitviaźniam
Na Nacyjanalnym pravavym partale źjaviŭsia prajekta zakona ab amnistyi. Farmalna jon prymierkavany da 9 maja, ale vidavočna, što budzie pryniaty paźniej. «Naša Niva» ŭvažliva pračytała tekst zakonaprajekta i paraŭnała jaho z tekstam papiaredniaj amnistyi, jakaja adbyłasia ŭ 2024 hodzie.
Što zastajecca niaźmiennym — terminy palitviaźniaŭ nie źmieniacca. Ich błakujuć adrazu na niekalki ŭzroŭniach.
Pa-pieršaje, amal usie palityčnyja artykuły ŭklučanyja ŭ śpis tych, pa jakich amnistyi nie budzie. Pa-druhoje, nijakaj palohki nie budzie «złosnym parušalnikam» — a taki status zvyčajna majuć usie palitviaźni, u tym liku i tyja, chto farmalna nie asudžany pa palityčnych artykułach. Pa-treciaje, pad amnistyju nie traplajuć ludzi, uklučanyja ŭ «ekstremiscki» ci «terarystyčny» śpisy, kudy siłaviki ŭklučajuć palitviaźniaŭ.
A voś što budzie novaha:
1. Pad amnistyju traplajuć tysiačy asudžanych pa narkatyčnym artykule 328 (aproč tych, chto asudžany pa častcy 5 hetaha artykuła — za raspaŭsiud narkotykaŭ, jaki paciahnuŭ śmierć čałavieka).
2. Kałonii chočuć razhruzić ad starych ludziej. Tamu na chatniuju chimiju adpraviać asudžanych, starejšych za 70 hadoŭ, kali jany raniej nie byli sudzimyja, a prysudžany im termin nie pieravyšaje 6 hadoŭ.
Adnak na pažyłych palitviaźniaŭ heta palohka nie raspaŭsiudžvajecca.
3. Bolš nie traplajuć pad amnistyju ludzi, asudžanyja pa artykułach 374 (razhałošvańnie dziaržaŭnaj tajamnicy pa nieaściarožnaści) i 375-1 (niezakonny zbor albo atrymańnie źviestak, jakija składajuć dziaržaŭnyja sakrety).
Łukašenka: U 2020 hodzie kala Pałaca Niezaležnaści nie pakistancy biehali20
Kamientary