Stała viadoma pra śmierć papularnaha kobrynskaha tyktokiera Ivana Žuka, viadomaha pad psieŭdanimam ar_tiom0. U noč na 25 krasavika jaho nie stała — jon vypaŭ z akna šmatpaviarchovika.
Pra śmierć Ivana paviedamiŭ jašče adzin kobrynski błohier Pavieł Dźmitryjeŭ:
«Kobrynskaja moładź abmiarkoŭvaje sumnuju padzieju: nie stała Ivana, jaki padpisvaŭsia ŭ sacsietkach psieŭdanimam Arciom. Jaho mnohija viedajuć, mnohija bačyli jaho roliki. Ja ź im taksama zapisvaŭ intervju. Vania, R.I.P».
Niekatoryja stali składać teoryi pra suicyd, maŭlaŭ, napiaredadni Vania razyšoŭsia ź dziaŭčynaj, ale bolšaść siabroŭ heta admaŭlaje: u chłopca było šmat płanaŭ na žyćcio, toje ž žadańnie nabrać u tyktoku minimum 20 tysiač padpisantaŭ.
«Heta byŭ niaščasny vypadak», — raskazali «Našaj Nivie» znajomyja Ivana.
U noč na 25 krasavika Ivan adpačyvaŭ razam ź siabrami, kampanija vypivała. Paśla hetaha Vaniu praviali dadomu. Na raźvitańnie chłopiec chacieŭ pamachać tavaryšam sa svajho akna i vypaŭ: heta byŭ siomy pavierch, tamu jon raźbiŭsia naśmierć.
Viadoma, što Ivana maci vychoŭvała adna. U jaho jość brat-bliźniuk.
U tyktoku chłopiec mieŭ bolš 11 tysiač padpisantaŭ. Samyja papularnyja jaho roliki nabrali bolš za čatyry miljony prahladaŭ.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia20
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary