Pa stanie na studzień-sakavik 2025 hoda ŭ Biełarusi naličvałasia 234 009 indyvidualnych pradprymalnikaŭ (IP) — na 6,3% mienš, čym pa vynikach anałahičnaha pieryjadu 2024-ha (249 752), śviedčyć praviedzieny vydańniem «Pozirk» analiz danych Nacyjanalnaha statystyčnaha kamiteta.
U toj ža čas u pieršym kvartale hoda ŭ krainie było 158 000 jurydyčnych asob (152 725; +3,5%).
22 krasavika 2024 hoda Alaksandr Łukašenka padpisaŭ zakon pa pytańniach pradprymalnickaj dziejnaści. Dakumientam praduhledžanyja dźvie katehoryi, jakija zajmajucca pradprymalnickaj dziejnaściu: jurydyčnyja i fizičnyja asoby. Da jurydyčnych asob adniesienyja małyja arhanizacyi z kolkaściu supracoŭnikaŭ da 100 čałaviek, siarednija — da 250 i bujnyja — zvyš 250, da fizičnych asob — ramieśniki, uładalniki ahraekasiadzib, samazaniatyja, indyvidualnyja pradprymalniki. Asnoŭnyja jaho pałažeńni ŭstupili ŭ siłu 1 kastryčnika minułaha hoda.
Dla IP, čyje vidy ekanamičnaj dziejnaści nie ŭklučanyja ŭ novy pieralik, ustanoŭleny pierachodny pieryjad z 1 kastryčnika 2024 hoda da 31 śniežnia 2025 hoda. U hety termin pradprymalniki pavinny pierarehistravacca ŭ kamiercyjnyja arhanizacyi pa sproščanaj pracedury, vykonvajučy patrabavańni zakanadaŭstva.
Kamientary