Bolš za dva miesiacy nieviadoma, dzie śpikierka Kaardynacyjnaj rady. Kiraŭnik «Bajpoła» prapanavaŭ ekzatyčnuju viersiju jaje źniknieńnia: Mielnikava palacieła adpačyvać na Kubu, tam jaje zatrymali i pieradali ŭ Biełaruś, piša «Biełsat».
Viadoma, što Mielnikava płanavała adpačynak, infarmavała pra heta paplečnikaŭ, pra heta kazaŭ u tym liku Łatuška. Na dumku Azarava, jana mahła niejki čas pabyć u Łondanie ź dziećmi, a potym palacieć z Brytanii na Kubu — samaloty z Łondanu tudy lotajuć.
«U 2022 hodzie ja sustrakaŭsia z Anžalikaju na ekanamičnym forumie ŭ Karpačy, i jana raskazvała, što jeździć adpačyvać na Kubu, — zhadvaje Azaraŭ. — Jana tady tolki niadaŭna prylacieła, pakazvała cyhary adtul, kazała, što joj vielmi spadabałasia, i Kuba — vielmi tannaja kraina, tam cudoŭny adpačynak. Jeździła, ź jejnych słovaŭ, adna».
Kali joj spadabałasia na Kubie i minułym razam ź joju tam ničoha nie zdaryłasia, a ciapier jana źbirałasia ŭ novy adpačynak, to mahła znoŭ palacieć na Kubu, miarkuje Azaraŭ. Kaža, Kuba była jahonaju pieršaju zdahadkaju, kali pačuŭ pra źniknieńnie Mielnikavaj. Jon padkreślivaje: heta nie fakt, a mienavita zdahadka, dy ličyć heta najbolš imaviernaju viersijaj.
«Viadoma, ja byŭ ździŭleny, jak jana navažyłasia pajechać u krainu, jakaja siabruje z Łukašenkam, — adznačaje Azaraŭ. — Ale ŭ 2022 hodzie jana była prosta rabotnicaj ofisu Paŭła Łatuški, jana nie ŭznačalvała Kaardynacyjnaj rady».
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary