Błohiera Biaspałava zavočna asudzili na 18 hadoŭ. Suma kampiensacyi źmienšyłasia ŭ šmat razoŭ
U Hienprakuratury raskazali pra vynik zavočnaha sudovaha pracesa nad stvaralnikam pablika «Maja kraina Biełaruś» Siarhiejem Biaspałavym.
Biaspałavu inkryminavali nastupnyja artykuły: raspalvańnie varožaści, paklop, masavyja biesparadki, aktyŭny ŭdzieł u dziejańniach, jakija hruba parušajuć hramadski paradak, zmova ci inšyja dziejańni, učynienyja z metaj zachopu dziaržaŭnaj ułady, zakliki da sankcyj, stvareńnie ekstremisckaha farmavańnia abo ŭdzieł u im, paklop na Łukašenku, abraza Łukašenki i dyskredytacyja Respubliki Biełaruś.
Taksama Hienprakuratura naličyła kałasalny pamier škody, jakuju nibyta nanios błohier svaimi dziejańniami — 30,9 miljonaŭ rubloŭ.
Sud u vyniku prysudziŭ Siarhieju Biaspałavu 18 hadoŭ zavočnaha źniavoleńnia i štraf 42 tysiačy rubloŭ.
Kamientary