Ruch u Minsku 9 maja pačnuć abmiažoŭvać z 14:00. Pra heta na pres-kanfierencyi ŭ Nacyjanalnym pres-centry raspavioŭ načalnik UDAI HUUS Minharvykankama Siarhiej Babič, paviedamlaje Reform.news.
«Tak, užo z 14-j hadziny budzie abmiežavany ruch pa praśpiekcie Mašerava ad vulicy Daŭmana da vulicy Cimirazieva ŭ abodvuch napramkach, pa praśpiekcie Pieramožcaŭ ad vulicy Mielnikajcie da vulicy Ihnacienki ŭ abodvuch napramkach», — skazaŭ jon.
Pavodle jaho słoŭ, ruch budzie abmiažoŭvacca pa maršrucie ruchu kałony da miesca praviadzieńnia paradu. Jana pačnie farmiravacca a 14-j hadzinie ŭ rajonie vulic Starynaŭskaja i Zasnavalnikaŭ.
A 15-j hadzinie kałona vyjedzie na praśpiekt Niezaležnaści. Jana prajedzie pa praśpiekcie Niezaležnaści i źviernie na Surhanava. Kałona budzie pastrojena na ŭčastku ad vulicy Daŭmana da vulicy Bahdanoviča.
«Prachodžańnie kałony zojmie aryjentyrovačna kala hadziny. Inśpiektary buduć pracavać i na prylehłaj terytoryi, vulicach, zabiaśpiečvajučy abjezd transpartu, u tym liku i hramadskaha. Što tyčycca viačernich mierapryjemstvaŭ, to abmiežavańni buduć zachoŭvacca pa praśpiekcie Mašerava ad vulicy Bahdanoviča da vulicy Cimirazieva, a taksama pa vulicy Staražoŭskaj ad vulicy Bahdanoviča da Daŭmana i pa samoj vulicy Daŭmana ad vulicy Viery Charužaj da praśpiekta Mašerava da samaha zakančeńnia mierapryjemstva», — skazaŭ jon.
Babič taksama padkreśliŭ, što prajeznaja častka budzie volnaja na maršrucie prachodžańnia kałony, adnak heta nie značyć, što na jaje možna budzie vychodzić.
9 maja taksama ŭ Minsku budzie abmiežavanaja parkoŭka. Nielha budzie parkavacca na prydarožnych miescach pa maršrucie ruchu miechanizavanaj kałony.
«Taksama pa praśpiekcie Pieramožcaŭ budzie zabaroniena parkoŭka kala haścinicy «Płanieta» i prylehłych administracyjnych budynkaŭ. Heta budzie zabarona na parkoŭku ŭ rajonie Kamsamolskaha voziera pa cotnym baku na ŭčastku pamiž praśpiektam Mašerava i vulicaj Ihnacienki. Budzie zabaroniena parkoŭka asabistaha transpartu taksama na vulicach Ihnacienki, Tarchanava, Hrybajedava i Hvardziejskaj, dzie buduć raźmiaščacca aŭtamabili i aŭtobusy, što pryviazuć piešyja kałony dla ŭdziełu ŭ paradzie», — dadaŭ jon.
Jak zvyčajna, buduć arhanizavanyja KPP na ŭvachodzie ŭ zony śviatkavańnia, paviedamiŭ načalnik hałoŭnaha ŭpraŭleńnia achovy pravaparadku i prafiłaktyki milicyi hramadskaj biaśpieki MUS Alaksandr Kupčenia. Milicyja budzie nieści słužbu ŭ ŭzmocnienym režymie z 6-j ranicy 9 maja. Budzie pryciahvacca sistema manitorynhu hramadskaj biaśpieki. Dla vieteranaŭ, invalidaŭ, ludziej z małaletnimi dziećmi buduć dziejničać asobnyja KPP — šatry z aranžavym kupałam. Pavodle jaho słoŭ, užo ciapier pravodziacca «apieratyŭna-prafiłaktyčnyja mierapryjemstvy».
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora4
Kamientary