Studentku-vydatnicu zatrymali praź niekalki dzion paśla pačatku vajny i prysudzili 6,5 hoda za repost antyvajennaha tekstu. Praz try hady jaje vyzvalili pa pamiłavańni.
Ciapier dziaŭčyna pačynaje novaje žyćcio ŭ Polščy.
Zbor na dapamohu Danucie tut.
Danutu Pieradniu zatrymali 28 lutaha 2022 hoda, kali jana pryjechała na maršrutcy z rodnaha Kiraŭska ŭ Mahiloŭ. U vinu dziaŭčynie pastavili toje, što jana pierapościła ŭ adzin z čataŭ tekst, u jakim u rezkaj formie krytykavalisia dziejańni Pucina i Łukašenki pa raźviazvańni vajny va Ukrainie. Taksama tam źmiaščaŭsia zaklik da vuličnych vystupaŭ i kanstatavałasia adsutnaść pierśpiektyŭ u biełaruskaj armii ŭ vypadku jaje ŭstupleńnia ŭ vajnu.
Danucie inkryminavali dva artykuły Kryminalnaha kodeksa — č. 3 art. 361 (zakliki da mieraŭ abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Biełarusi) i č. 1 art. 368 (abraza Łukašenki). Jaje ŭklučyli ŭ śpis «terarystaŭ».
Spačatku Pieradniu sudzili ŭ Kiraŭsku, ale tolki paśla pracesu vyśvietliłasia, što miascovy sud uvohule nie mieŭ prava vynosić rašeńnie — takija «surjoznyja» spravy pavinien razhladać Mahiloŭski abłasny sud. Pryjšłosia pačynać praces nanoŭ, ale vynik akazaŭsia takim samym — šeść z pałovaj hadoŭ źniavoleńnia.
Amal hod Danuta praviała ŭ SIZA, jašče amal dva hady — u homielskaj kałonii.
Stała viadoma pra vyzvaleńnie 22-hadovaj «terarystki» Danuty Pieradni
«Bajsoł» majoj evakuacyjaj nie zajmaŭsia». Dva palitviaźni vykazali pretenzii Stryžaku, toj adkazaŭ
Stryžak: Z pačatku hoda Bajsoł evakujavaŭ 23 čałaviek
Žurnalistka Ksienija Łuckina: Nie pamiataju pryjezd u kałoniju, tamu što vyvaliłasia z aŭtazaka i straciła prytomnaść
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii12
Kamientary