U pieršy dzień kankłava z komina Sikstynskaj kapeły pajšoŭ čorny dym
Z komina Sikstynskaj kapeły ŭ Vatykanie ŭviečary 7 maja pajšoŭ čorny dym. Heta aznačaje, što padčas svajho pieršaha i adzinaha na siońniašni dzień hałasavańnia kardynałam, jakija ŭdzielničajuć u kankłavie, Papu abrać nie ŭdałosia.
U sieradu, 7 traŭnia, 133 kardynały-vybarščyki ŭvajšli ŭ Sikstynskuju kapełu ŭračystaj pracesijaj, pačynajučy kankłaŭ, na jakim abiaruć nastupnaha i 267-ha Papu Rymskaha.
Zamknionyja klučom u Sikstynskaj kapele, kardynały pačali abrańnie 267-ha pierajemnika Piatra. Dla abrańnia novaha Papy patrabujecca bolšaść u dźvie traciny hałasoŭ, to-bok nie mienš za 89. Štodnia moža adbyvacca da čatyroch turaŭ hałasavańnia.
Pieršy biuleteń byŭ padadzieny ŭviečary 7 traŭnia. Zatym hałasavańnie budzie pravodzicca čatyry razy na dzień u nastupnyja dni: dvojčy ranicaj i dvojčy ŭviečary.
Čorny dym sihnalizuje pra biezvynikovaje hałasavańnie; bieły dym, jaki supravadžajecca zvonam zvanoŭ, budzie apaviaščać pra prychod novaha Papy.
U raniejšyja razy nivodzin Papa taksama nikoli nie byŭ abrany ŭ pieršy dzień kankłava.
Siońnia ŭ Vatykanie pačynajecca kankłaŭ kardynałaŭ. Budzie abrany novy Papa
Nad Sikstynskaj kapełaj pastavili komin
Kardynały z 71 krainy śvietu: hieahrafija kankłava
Kuchnia niadrennaja, vino na zdaroŭje, ale ŭ čym hałoŭnaje pytańnie budučaha kankłava?
Jak źjavilisia kankłavy. Kardynałaŭ zamknuli, razabrali im dach, nie karmili — ale ŭsio vyrašyła krovapralićcie
Polšča pryznała Alaksandra Mašenskaha niepažadanaj asobaj27
Kamientary