Kalcavaja linija minskaha mietro budzie z 17 stancyj. Jakija buduć nazvy i kali pačniecca budaŭnictva

— Miarkujecca, što značnaja častka kalcavoj trasy mietrapalitena projdzie pad vulicami druhoha transpartnaha kalca, — padzialiŭsia Iłaryjonaŭ. — Jana budzie składacca z 17 stancyj, šeść ź jakich utvarajuć pierasadačnyja vuzły sa stancyjami astatnich troch linij, a taksama z adnaho abo dvuch elektradepo.

Płany mietrabudaŭnikoŭ patrabujuć užo ciapier prapracoŭvać pytańni stvareńnia vakoł novych stancyj transpartnych chabaŭ, pierasadačnych vuzłoŭ sa svajoj śpiecyfičnaj infrastrukturaj. Kab možna było padvozić da ich naziemnym hramadskim transpartam žycharoŭ spalnych rajonaŭ.

Dla hetaha spatrebicca stvaryć pobač z vychadam sa stancyj prypynki hramadskaha transpartu, razvarotnyja kolcy — zabiaśpiečyć nieabchodnuju infrastrukturu, kab maksimalna chutka padvozić haradžan da padziemki.

— U najbližejšy čas inžyniery našaha pradpryjemstva sustrenucca sa śpiecyjalistami «Minskmietraprajekta», «Minskmietrabuda», Minskaha mietrapalitena, «Minskhrada», «Minsktransa», «Minskenierha», rajonnych administracyj i inšych pryčynnych viedamstvaŭ i haspadarčych subjektaŭ dla abmierkavańnia pytańniaŭ pa stvareńni paŭnavartasnych transpartna-pierasadačnych vuzłoŭ (TPV), — dadaŭ surazmoŭca.

— Budaŭnictva novych stancyj kalcavoj i TPV dazvolić adčuvalna źnizić nahruzku na naziemny hramadski transpart, — praciahnuŭ Iłaryjonaŭ. — «Plečy» padvozu haradžan da ich buduć karaciejšyja, adpaviedna, intervał ruchu skarocicca pry toj ža abo navat mienšaj kolkaści ruchomych adzinak. A ŭ cełym heta pavyšaje kankurentazdolnaść pasažyrskaha transpartu jak adzinaha miechanizmu ŭ paraŭnańni z pryvatnym lehkavym. Takaja łakalizacyja dazvolić skaracić i vykarystańnie asabistych aŭto, što spryjalna adabjecca na ekałahičnaj abstanoŭcy horada. Stvareńnie padobnych stancyjnych vuzłoŭ daść efiekt i pa inšych napramkach. Heta źnižeńnie vydatkaŭ na ŭładkavańnie vulična-darožnaj sietki i inšaj infrastruktury, bolš raŭnamiernaje raźmierkavańnie pasažyrapatokaŭ.

Pavialičyć

Takija vuzły stvarajuć dadatkovyja mahčymaści dla raźvićcia haradskoha asiarodździa. Na ich chutka źviernie ŭvahu biznes, što paciahnie za saboj źjaŭleńnie novych kamiercyjnych abjektaŭ, ad dziejnaści jakich papoŭnicca haradski biudžet i ŭźniknuć novyja pracoŭnyja miescy.

Pa mierkavańni Iłaryjonava, prajekt budaŭnictva kalcavoj linii mietro archivažny dla stalicy, darahi i vielmi składany ŭ realizacyi. Da jaho treba padychodzić kompleksna, z ulikam mierkavańniaŭ i namahańniaŭ usich pryčynnych haspadarčych subjektaŭ, kab atrymać maksimalna stanoŭčy efiekt. Kalcavaja linija projdzie praz mnohija mikrarajony stalicy, kožny ź jakich maje svaju śpiecyfiku. Pradumvać, jak rearhanizoŭvać maršrutnuju sietku naziemnaha hramadskaha transpartu, treba zahadzia, padładžvajučy jaje pad padziemku. Źmieny nabližajucca značnyja.

— Śpiecyjalisty našaha pradpryjemstva zaviaršajuć pracu nad źmienami maršrutnaj sietki hramadskaha transpartu ŭ rajonie troch novych stancyj Zialenałužskaj vietki, — reziumavaŭ hałoŭny inžynier pradpryjemstva «Staličny transpart i suviaź». — Važnaje dla nas i pytańnie padviadzieńnia hramadskaha transpartu ŭ rajon budaŭničaha i žyłoha kompleksu «Paŭnočny Bierah», jaki ŭžo zasialajecca i na padychodach da jakoha płanujecca stancyja mietro. Zatym pačniom prapracoŭvać z kalehami pytańni pa kalcavoj padziemcy. Nam pierš za ŭsio treba viedać dakładnaje miescaznachodžańnie novych stancyj i ich vychadaŭ. Darečy, u budučyni pry ich mohuć źjavicca i tak zvanyja abjekty pryciahnieńnia: kramy, biznes-centry, palikliniki, navučalnyja ŭstanovy i inšaja supravadžalnaja infrastruktura. I ŭsio heta treba analizavać. U cełym paetapnaje budaŭnictva kalcavoj vietki padziemki ź ciaham času dazvolić raz i nazaŭsiody vyrašyć šerah vuzłavych prablem horada.

• 10
• 3
• 5
• 6
• 0
• 1
• 0
• 1