Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
Nacyjanalnaja akademija navuk abiacaje, što taki papiarovy posud budzie biaśpiečny dla pryrody.
Biez apracoŭki papiera ad sutyknieńnia z vadkaściu razmakaje, tamu lubyja adnarazovyja kubački majuć słoj z palimiernaha pakryćcia. Ad pakryćcia zaležyć toje, jak budzie raskładacca posud paśla vykarystańnia.
Dyrektar Instytuta chimii novych materyjałaŭ Alaksandr Rahačoŭ raskazaŭ BiełTA, što ciapier biełaruskija vučonyja navučylisia rabić papiarovyja kubački, vykarystoŭvajučy poliłaktyd. Što heta takoje?
Poliłaktyd — heta polimałočnaja kisłata (PLA), jakaja vyrablajecca z kukuruzy ci cukrovaha tryśniahu. Poliłaktyd vykarystoŭvajuć dla stvareńnia ŭpakovak, adnarazovaha posudu, vyrabaŭ 3D-druku i miedycynskich materyjałaŭ. Ciapier kubački z dadavańniem PLA vyrablajuć u šmatlikich krainach śvietu, tamu ŭ technałohii biełaruskich navukoŭcaŭ niama ničoha pryncypova navatarskaha.
Tonkuju plonku z poliłaktydu nanosiać na kubačak z celułozy. Na dumku biełaruskich vučonych, tak posud atrymlivajecca «całkam bijaraskładalnym».
PLA sapraŭdy razburajecca chutčej, čym tradycyjny płastyk na asnovie vykapniovaha paliva, ale jon nie našmat biaśpiečniejšy. Paśla poliłaktydu ŭ asiarodździ zastajecca mikrapłastyk, škodny dla zdaroŭja žyvych arhanizmaŭ. Poŭny jaho raskład mahčymy tolki ŭ pramysłovych umovach.
Varta adznačyć, što dla pavieličeńnia efiektu raskładalnaści biełaruskija vučonyja vyrašyli dadać u technałohiju taksama lihnin. Heta arhaničny palimier, vykarystańnie jakoha sapraŭdy pazityŭna ŭpłyvaje na charaktarystyki PLA, ale nie vyrašaje prablemy całkam. Pa słovach akademika i doktara chimičnych navuk Uładzimira Ahabiekava, ciapier technałohiju teścirujuć.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary
kłas! značyć mikrapłastyk chutčej trapić u navakolnaje asiarodzie