Z dnia zasnavańnia ŭ 1990 hodzie i da 2008 hoda jon byŭ redaktaram viciebskaj abłasnoj haziety «Narodnaje słova» — vydańnia, jakoje ŭ pieršyja hady biełaruskaj niezaležnaści padtrymlivała demakratyčnyja kaštoŭnaści, paviedamlaje BAŽ.
Siarhiej Vasiljevič Rubleŭski nie mieŭ prafiesijnaj adukacyi: jon skončyŭ fizika-matematyčny fakultet Viciebskaha piedahahičnaha instytuta. Ale, adpracavaŭšy nastaŭnikam usiaho niekalki hod, jon znajšoŭ svajo sapraŭdnaje pryzvańnie mienavita ŭ žurnalistycy. Spačatku pracavaŭ u Biešankovičach — u rajonnaj haziecie «Zara», potym u tałačynskaj «rajoncy» «Ściah Iljiča». Paśla jaho zaprasili ŭ Viciebsk, u abłasnuju hazietu «Viciebski rabočy».
U 1990 hodzie Viciebskam abłsavietam było zasnavana novaje vydańnie — «Narodnaje słova», i Siarhiej Rubleŭski staŭ jaho hałoŭnym redaktaram. Na hetaj pasadzie jon adpracavaŭ 18 hadoŭ. Kalehi zhadvajuć svajho redaktara jak pryncypovaha, ale «čałaviečnaha» kiraŭnika, jaki zaŭsiudy imknuŭsia adstojvać intaresy haziety i žurnalistaŭ.
U Siarhieja Rubleŭskaha było chvoraje serca. Mahčyma, heta stała adnoj z pryčyn pryčynaj sychodu z žurnalistyki na bolš spakojnuju pracu. Jon pierajšoŭ na pasadu namieśnika načalnika hałoŭnaha ŭpraŭleńnia justycyi Viciebskaha abłvykankama — u adździeł pa archivach i spravavodstvie, jakim kiravaŭ da sychodu na piensiju ŭ 2013 hodzie.
Asnoŭnuju pracu Siarhieju Rubleŭskamu ŭdavałasia vydatna spałučać ź litaraturnaj tvorčaściu. Jon aŭtar vaśmi zbornikaŭ prozy i paetyčnaha zbornika «Adam i Jeva». Z 2001 hoda Rubleŭski byŭ čalcom Sajuza biełaruskich piśmieńnikaŭ. U 2003 hodzie staŭ łaŭreatam abłasnoj litaraturnaj premii imia Uładzimira Karatkieviča, u 2012 hodzie atrymaŭ premiju «Hliniany viales», zasnavanuju Tavarystvam Volnych Litarataraŭ, u 2020 hodzie byŭ uhanaravany premijaj «Załaty apostraf», zasnavanaj redakcyjaj časopisa «Dziejasłoŭ».
Raźvitacca ź Siarhiejem Rubleŭskim siabry i kalehi zmohuć 13 traŭnia a 16 hadzinie ŭ rytualnaj zale «Aura» ( Viciebsk, vuł.P.Brouki, 50/4). Pachavajuć Siarhieja Rubleŭskaha 14 traŭnia na mohiłkach u jaho rodnaj vioscy Babča Lepielskaha rajona.
Žaleznaja zasłona ŭ dziejańni: jak źmienšyłasia kolkaść pierasiačeńniaŭ miažy Biełarusi i Jeŭrasajuza za apošnija hody2
Žaleznaja zasłona ŭ dziejańni: jak źmienšyłasia kolkaść pierasiačeńniaŭ miažy Biełarusi i Jeŭrasajuza za apošnija hody
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary