Małdavanin vioz praź Biełaruś u Rasiju 2 tysiačy jeŭrapiejskich sim-kartak
13 maja biełaruskija mytniki zatrymali hramadzianina Małdovy, jaki sprabavaŭ niezakonna pravieźci ŭ Rasiju bolš za dźvie tysiačy SIM-kartak jeŭrapiejskich apierataraŭ. Pra heta paviedamiŭ Dziaržaŭny mytny kamitet Biełarusi.
Pavodle mytnikaŭ, hetyja SIM-kartki płanavałasia vykarystoŭvać na terytoryi Jeŭrazijskaha ekanamičnaha sajuza dla machlarstva i inšych supraćpraŭnych dziejańniaŭ.
Mužčyna jechaŭ ź Litvy praz punkt propusku «Kamienny Łoh» na lehkavym aŭtamabili. Pry pierasiačeńni miažy jon zajaviŭ, što ŭvozić mašynu časova i nie maje z saboj tavaraŭ, jakija treba dekłaravać.
Adnak padčas pravierki mytniki vyjavili, što jon schavaŭ SIM-kartki ŭ pakiecie, zahornutym u ručnik i pakładzienym na dno instrumientalnaj skryni — u nadziei, što ich usprymuć jak asabistyja rečy. Ahułam było znojdzienyja kartki apierataraŭ z Polščy, Finlandyi i Estonii na sumu kala 8 tysiač jeŭra.
U dačynieńni da parušalnika składzieny administracyjny pratakoł pavodle č. 2 art. 15.1 Kodeksa ab administracyjnych pravaparušeńniach — za sprobu pravieźci tavary praź miažu sa sprobaj ich utaić. Artykuł praduhledžvaje štraf da 30 bazavych vieličyń i mahčymuju kanfiskacyju schavanych tavaraŭ.
Taksama paviedamlajecca, što atrymalnik SIM-kartak u Rasii ŭžo ŭstanoŭleny.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni22
Kamientary