Univiermah «Biełaruś» nie mohuć admyć. Vykidy z navakolnych zavodaŭ takija, što fasad pakryŭsia niazvodnym nalotam aksidaŭ žaleza
Supracoŭnik minskaha klininhu Sharks.by raskazaŭ u tyktoku, čamu kampanii nie ŭdasca pačyścić budynak u Zavodskim rajonie.
Univiermah «Biełaruś» źviarnuŭsia da śpiecyjalistaŭ z prośbaj adčyścić fasad budynku ad nalotu. Kab razabracca, jak heta možna zrabić, rabotniki navat źniali adnu z panelaŭ.
Akazałasia, što spravicca z takoj zadačaj niemahčyma. Zvyčajnyja srodki z zabrudžvańniem nie spraŭlajucca.
«My nastolki zaparylisia, što navat da adnaho z našych pastaŭščykoŭ źjeździli, prateściravali i paćvierdzili našy vysnovy», — raspavioŭ rabotnik.
Prablema akazałasia ŭ adhiezii čaścic aksidaŭ žaleza, jakija ŭtvarylisia z-za praciahłaha ŭździejańnia atmaśfiernych apadkaŭ i vykidaŭ pramysłovych pradpryjemstvaŭ.
Kamientary