Łukašenka pra budučyja vučeńni z Rasijaj: My ni na kaho napadać nie źbirajemsia
Alaksandr Łukašenka padčas sustrečy ź ministram abarony Rasii Andrejem Biełavusavym zajaviŭ, što Biełaruś i Rasija, płanujučy praviadzieńnie sumiesnych vučeńniaŭ, jakija projduć u tym liku i na terytoryi Biełarusi, nie majuć namieru napadać na inšyja krainy, piša BiełTA.
«Chaču skazać, što da vučeńniaŭ my hatovyja. Ničoha ni ad kaho nie chavajem. My sapraŭdy demanstrujem adkrytaść, što heta našy vučeńni i nosiać abarončy charaktar. I ni na kaho my napadać nie źbirajemsia, jak tam niekatoryja ličać. Nu, heta ich sprava. Niachaj ličać. U nas pryniata rašeńnie na ŭzroŭni prezidentaŭ pa praviadzieńni vučeńniaŭ. Z Uładzimiram Uładzimiravičam (Pucinym) my abmiarkoŭvali hetaje pytańnie», — skazaŭ jon.
«Što tyčycca našaj častki, na palihonach Biełarusi — my hatovyja. My hatovyja da taho, kab, kudy treba, vylecieć pa płanie na palihony Rasii. I naadvarot — pryniać rasijskija vojski. I pravieści sumiesnyja vučeńni našaj sumiesnaj hrupoŭki vojskaŭ, jakaja stvorana ŭ Sajuznaj dziaržavie. U hetym płanie Rasija moža nie chvalavacca. My vielmi prystojna padrychtujemsia. Naša biełaruskaja častka, jak i na paradzie, nie budzie vyhladać horš za inšyja elemienty», — dadaŭ Alaksandr Łukašenka.
-
Pamada Maryi Kaleśnikavaj i małakaadsos Maryny Mientusavaj — top ekspanataŭ z vystavy pra zmahańnie biełarusak
-
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju
-
U Bresckaj vobłaści ŭžo pačalisia lasnyja pažary
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju13
Kamientary