Buraki pa 10 rubloŭ i proćma tannych kłubnic. Aktualnyja ceny na minskaj Kamaroŭcy
Žurnalisty Blizko.by źjeździli na hałoŭny rynak Minska i pahladzieli, jakija ciapier ceny na samyja chadavyja pradukty.
Pierad vychadnymi minčuki z ranicy pajechali na Kamaroŭku zakuplacca praduktami. A žurnalisty pahladzieli, jakija ceny na chadavyja tavary. Siarod ich — harodnina, sadavina, miasamałočnyja pradukty, jajki i hryby.
Miasa na šašłyk
Śvininu možna nabyć pa takich cenach: kumpiak kaštuje 9-13 rubloŭ za kiłahram, rebry — 12-14, łapatka — 9,5-12, halonka — 5-7, karejka — 9,5-12, vyrazka — 17-22, šyja — 16-24, palandvica — 13,5-22, padžarka — 10.
Sała možna kupić za 20-30 rubloŭ za kiłahram, fiermierskaje trochi daražej — 30-35, fiermierskija kaŭbasy — 35-60, zvyčajnyja — 25-45. Cialacina pradajecca pa takich cenach: kumpiak i file — 40 rubloŭ za kiłahram, łapatka — 30, hrudzinka — 25, rebry — 25, halonka — 15-20, šyja — 30. Kury chatnija kaštujuć 18-30 rubloŭ za kiłahram, trusy — 30, indyk, kačka, huś — 35.
Dobry vybar na Kamaroŭcy i jałavičyny. Na jaje ŭ siarednim ceny takija: kumpiak — 28 rubloŭ za kiłahram, file — 28, łapatka — 24, hrudzinka — 18, šyja — 22, rebry — 18, halonka — 10, miasa na hulaš — 16, serca — 8.
File kurynaje kaštuje 12-14 rubloŭ, hrudzi — 9-10, ściahno — 8,5-9, zadniaja čverć, kryło i halonka — pa 6-7, kumpiačok — 6,8.
Jajki kaštujuć 3,4-4,2 rubli za dziasiatak.
Syrny raj
U sietkavych kramach ceny na małočnyja pradukty prykładna takija ž, jak i na rynku, a voś syry pa-raniejšamu bolš vyhadna kuplać na Kamaroŭcy. Tak, małako za litr kaštuje 2,2 rubla, śmiatana 25% tłustaści 400 hramaŭ — 3,5, tvaroh 200 hramaŭ — 2,3.
Što tyčycca syru, to biełaruskija hatunki možna znajści pa canie ad 16 da 20 rubloŭ za kiłahram, bolš darahija varyjanty abyducca ŭ 20-45 rubloŭ. Za impartnyja syry premium-kłasa pryjdziecca zapłacić istotna bolš — ad 45 rubloŭ za kiłahram. Dla samych hurmanaŭ jość darahija impartnyja syry pa 180 rubloŭ za kiłahram.
«Załatyja» buraki i bulba
Ceny na harodninu nie radujuć zusim. Na dumku žurnalista Blizko.by, cana nadta zavyšanaja ŭ paraŭnańni ź sietkavymi kramami. Bulba letašniaha ŭradžaju kaštuje 5-6 rubloŭ za kiłahram, maładaja — 8-12.
Samuju tannuju cybulu možna kupić za 4 rubli, ale jana drobnaja. U siarednim 6 rubloŭ za kiłahram. Čyrvonaja i biełaja cybula kaštujuć 15-20 rubloŭ za kiłahram.
Šakuje cana i na buraki. Jany kaštujuć 9-10 rubloŭ za kiłahram. Kapusta kaštuje 4,5 rubla za kiłahram, a časnok — 20-30, morkva — 4.
Prostaja zielanina — 1,5 rubla za 100 hramaŭ.
Sušanyja baraviki ciapier kaštujuć 350 rubloŭ za kiłahramm, šampińjony — 8-12.
Pamidory kaštujuć 5-25 rubloŭ za kiłahram, ahurki — 4-7, piercy — 6-10, avakada — 6.
Vielmi šmat sadaviny i jahad. Kłubnicy pradajuć ad 14 rubloŭ za kiłahram, jość i darahaja za 40. Bujaki kaštujuć 69-89 rubloŭ za kiłahram. Jabłyki niatannyja — 4-5 rubloŭ, ananasy — 15, abrykosy — 9-16, banany — 3-6, apielsiny — 6-14, hrušy — 8-10, kivi — 8-33.
Na Kamaroŭcy ŭ Minsku pačali pradavać pieršuju maładuju biełaruskuju bulbu
Pieršyja «kalučyja» ahurki, bujaki pa 120 rubloŭ i maładaja bulba. Što i pa kolki ciapier na Kamaroŭcy?
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»
Ź biełaruskich kramaŭ źnikła cybula. A što zdaryłasia?
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary
Kamaroŭka z hluzdoŭ zjechala. Moža liudziam varta na rajonnyja kirmašyki jezdzić, moža tam nia tak doraha ? Nu, u Rakaŭ, Zaslaŭe, Barysaŭ, Rudziensk, Śmilavičy ?