U Hłybockim rajonie zaŭvažyli abłoki, padobnyja da vymieni. Što za jany?
U Hłybockim rajonie 16 maja zaŭvažyli redkija abłoki, jakija vonkava nahadvajuć vymia žyvioł. Fota abłokaŭ dasłała ŭ vydańnie «Smartpres» jahonaja čytačka Alena.
Alena raskazała, što zdymak zrobleny ŭ vioscy Ziabki. Nadvorje ŭ toj momant była vielmi źmienlivaje — to śviaciła sonca, to išoŭ doždž.
«Padymaju hałavu ŭvierch — a tam takija abłoki niezvyčajnyja. Nieba było nastolki niazvykłym, što navat strašna trochi stała. Mudrahielistyja abłoki źjavilisia raptoŭna — i chutka rastvarylisia», — padzialiłasia ŭražańniami žančyna.
U Biełhidramiecie «Smartpresu» patłumačyli, što heta słaista-kučavyja vymiepadobnyja abłoki (Stratocumulus mammatus) — i jany «davoli redkija».
Pavodle infarmacyi z adkrytych krynic, termin mammatus pachodzić ad łacinskaha słova mamma, jaki aznačaje «vymia» abo «hrudzi». Takaja źjava farmirujecca ŭ vyniku sychodziačych płyniaŭ chałodnaha pavietra (usie «zvyčajnyja» abłoki ŭtvarajucca pry ŭzychodziačych).
Miechanizmy farmiravańnia «mamatusaŭ» da kanca nie vyvučanyja. Isnujuć roznyja hipotezy, adna ź ich — astudžeńnie pavietra z-za vypareńnia apadkaŭ.
Słaista-kučavyja abłoki zvyčajna nizka raźmieščanyja. Kali pad ich asnovaj źjaŭlajecca vymiepadobny dadatak, to jany nabyvajuć vielmi niezvyčajny i navat dramatyčny vyhlad.
Źjaŭleńnie «mamatusaŭ» u abłokaŭ časta asacyjujecca ź niestabilnymi atmaśfiernymi źjavami. Adnak sami pa sabie jany nie źjaŭlajucca prykmietaj niebiaśpieki.
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary