Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej
Jamu było 26 hadoŭ.
«Padčas vykanańnia bajavoj zadačy na Kupianskim napramku zahinuŭ naš pabracim «Ryžy», paviedamiŭ Biełaruski Dabraachvotnicki Korpus.
Alaksiej zahinuŭ 16 krasavika. Pra heta stała viadoma tolki ciapier.
«Ekscentryčny, hučny, rezki, ščyry, niaspynny i addany svajoj spravie. Ryžy zahinuŭ u bai, jak taho i chacieŭ pry žyćci. My ŭšanoŭvajem tvaju pamiać i hanarymsia, što ty addana stajaŭ razam z nami ŭ šychcie», — havorycca ŭ paviedamleńni.
«Advažny, niazłomny, śmieły, samaaddany. Ščyry va ŭsim, što rabiŭ. Ja b navat skazała, radykalna ščyry. Niejmavierna dobry.
Uvasablaŭ u sabie biełaruskaść.
Hieroj, šalony Hieroj. Prajšoŭ dziasiatki bajoŭ na roznych kirunkach frontu. Rvaŭsia ŭ boj i ŭmieła abychodziŭ niebiaśpieku. Ci jana jaho namahałasia abychodzić», — napisała jaho znajomaja.
Jana kaža, što Alaksiej «žyŭ jak adčuvałasia i chaciełasia».
«Pryciahvaŭ ludziej svajoj enerhijaj i toj samaj radykalnaj ščyraściu.
Umieŭ kachać tak, jak nichto inšy.
Zahinuŭ u šturmie. Jak i chacieŭ», — dadaje jana.
Pavodle słoŭ dziaŭčyny, u 2023, padčas słužby ŭ 79 asobnaj desantna-šturmavoj bryhadzie, Alaksiej byŭ uznaharodžany nahrudnym znakam za prajaŭlenuju mužnaść i advahu na poli boju. Ad inšych uznaharod jon u svoj čas admoviŭsia.
Ciapier čytajuć
Tramp zhadaŭ 1300 biełaruskich palitviaźniaŭ. Adkul takaja ličba i kolki ich nasamreč?2
Kamientary
Škada čałavieka, ale jak moža padabacca vajna?