Ekzit-poły ŭ Rumynii: Centryst Dan pieramahaje na vybarach sa značnym adryvam
Hetyja vybary vyznačać dalejšy kurs krainy, jaje adnosiny ź ES i NATA.
U Rumynii 18 maja prajšoŭ druhi tur prezidenckich vybaraŭ. U im udzielničali lidar ultrapravych «Aljansu za abjadnańnie rumynaŭ» Džordže Simion i dziejny mer Bucharesta, centryst Nikušor Dan.
Kali vieryć ekzit-połu, pradstaŭlenamu Avangarde dla TVR 1, Dan nabiraje 54,9%, tady jak Simion — 45,10%.
Simion stavić pad sumnieŭ vyniki ekzit-połaŭ i zajaŭlaje, što vybary vyjhraŭ jon.
38-hadovy Džordže Simion atrymaŭ pieramohu ŭ pieršym tury, nabraŭšy amal 41% hałasoŭ. Jon pieramoh u 36 z 47 vybarčych akruh krainy, sastupiŭšy pieravažna ŭ bujnych haradach, u tym liku ŭ stalicy.
Simion — prychilnik Donalda Trampa, a jahonaja partyja pazicyjanuje siabie jak «prachryścijanskuju i prasiamiejnuju». Jon vystupaje suprać vajskovaj dapamohi Ukrainie (pry hetym asudžajučy Rasiju) i padtrymlivaje Kelina Džardžesku — kandydata, jakoha abvinavačvali ŭ suviaziach z Rasijaj i nie dapuścili da vybaraŭ.
Supiernik Simiona, Nikušor Dan, aktyŭna abapirajecca na prajeŭrapiejski elektarat i papiaredžvaje pra ryzyku izalacyi Rumynii ŭ vypadku pieramohi ŭltrapravych.
Jaŭka ŭ druhim tury była našmat bolšaja, čym u pieršym, asabliva ŭ vialikich haradach, i mienavita ŭ ich ź vialikim adryvam pieramahaje Dan.
Ciapier čytajuć
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary
[Zredahavana]
[Zredahavana]