Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach
Sacyjalnaja śfiera — heta nie prosta adukacyja, achova zdaroŭja, kultura, a vielizarnaja ekanomika. Ab hetym zajaviła žurnalistam namieśnik premjer-ministra Natalla Piatkievič, piša BiełTA.
Raniej Natalla Piatkievič zajmała pasadu pieršaha namieśnika kiraŭnika Administracyi Łukašenki. U jakaści vice-premjera jana budzie kuryravać sacyjalny błok pytańniaŭ.
Natalla Piatkievič skazała, što heta pryznačeńnie stała dla jaje niečakanym.
«Heta čelendž, peŭny vyklik, tamu što
heta nie prosta sacyjalnaja śfiera (adukacyja, achova zdaroŭja, kultura) — heta vielizarnaja ekanomika. Łukašenka pastaviŭ vialikija zadačy i ŭskładaje vialikija nadziei na vynikovaść, — zajaviła vice-premjer.
— Sacyjalny błok — heta samaje hałoŭnaje dla našych ludziej. U sacyjalna aryjentavanaj dziaržavie i z ulikam tych patrabavańniaŭ, jakija ahučvaje Łukašenka ŭ častcy abarony intaresaŭ našych hramadzian, heta, viadoma, najvažniejšaja tema».
Pavodle słoŭ Natalli Piatkievič, sacyjalnaja śfiera — niaprostaja. Tut jość jak abjektyŭnyja pryčyny, tak i subjektyŭnyja. Tak, hramadzianie imknucca da bolš vysokaha ŭzroŭniu žyćcia i majuć adpaviednyja čakańni ad ułady.
Realizacyja zadumanaha, viadoma, patrabuje ŭkaranieńnia inavacyj, a značyć — i vialikich vydatkaŭ.
«Z druhoha boku, kali my havorym, naprykład, pra achovu zdaroŭja, isnujuć peŭnyja abjektyŭnyja tendencyi ŭ śviecie: stareńnie nasielnictva, pavieličeńnie praciahłaści žyćcia, zapatrabavanaść miedycynskich pasłuh. Uźnikajuć i prablemy: niedachop kadraŭ, pavieličeńnie finansavańnia i hetak dalej. Tamu ŭ častcy achovy zdaroŭja treba budzie ŭsio skambinavać: i patrabavańni kiraŭnika dziaržavy, i abjektyŭnyja ŭmovy,
i ŭsie napracoŭki, kab achova zdaroŭja ŭ našaj krainie, jak zaŭsiody, była na vielmi vysokim uzroŭni», — skazała namieśnik premjer-ministra.
Peŭnyja čakańni i pretenzii jość i da śfiery kultury. Tym bolš, biełarusy bačać, jak raźvivajecca hetaja halina ŭ inšych krainach, i im jość z čym paraŭnać. «Našaj krainie treba adpaviadać», — padkreśliła Natalla Piatkievič.
Damahčysia vysokich vynikaŭ nieabchodna i ŭ sporcie, dadała jana. Akramia taho, važna pryvivać hramadzianam luboŭ da fizičnaj kultury.
«Usio heta treba ŭmiaścić u tyja ekanamičnyja realii, jakija isnujuć i ŭ śviecie, i ŭ našaj krainie. Samaje hałoŭnaje patrabavańnie — heta pavyšeńnie efiektyŭnaści dziaržaŭnaha kiravańnia ŭ cełym, u tym liku i ŭ sacyjalnym błoku», — reziumavała vice-premjer.
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ6
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary
Datyčnyja da aznačanych śfier dziejnaści - śvidrŭjcie ŭ pajasach novyja dzirki.