U Minbarony RF zajavili, što rasijskija vojski stvarajuć «sanitarnuju zonu» na miažy z Ukrainaj
Rasijskija vajskovyja padraździaleńni paśla «poŭnaha vyzvaleńnia» Kurskaj vobłaści ad padraździaleńniaŭ Uzbrojenych sił Ukrainy praciahvajuć štodzionnaje nastupleńnie z metaj stvareńnia bufiernaj abo tak zvanaj «sanitarnaj zony» ŭzdoŭž dziaržaŭnaj miažy. Pra heta paviedamiŭ načalnik pres-centra rasijskaj hrupoŭki «Poŭnač» Jarasłaŭ Jakimkin.
«U ciapierašni čas vojski štodnia praciahvajuć prasoŭvacca napierad, adciskajučy praciŭnika ad dziaržaŭnaj miažy dla stvareńnia «sanitarnaj zony» i biaśpieki mirnaha nasielnictva pryhraničnych rasijskich rehijonaŭ», — zajaviŭ Jakimkin.
Pavodle jaho słoŭ, rasijskija vajskoŭcy ŭziali pad kantrol nasielenyja punkty Marjina i Łoknia ŭ Sumskaj vobłaści Ukrainy. Taksama, jak adznačyŭ Jakimkin, hrupoŭka «Poŭnač» «značna prasunułasia» ŭ rajonie horada Vałčansk Charkaŭskaj vobłaści.
Prezident Rasii Uładzimir Pucin padčas narady z uradam 22 traŭnia taksama paćvierdziŭ, što rasijskija vojski «vyrašajuć zadaču» pa farmiravańni bufiernaj zony na miažy z Ukrainaj.
Raniej, naprykancy krasavika, Ministerstva abarony Rasii abviaściła pra poŭnaje vyzvaleńnie terytoryi Kurskaj vobłaści ad USU. Ale na toj momant padraździaleńni ŭkrainskaha vojska ŭsio jašče prysutničali na terytoryi Rasii.
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary