Śviet66

Adzin ź litoŭskich bankaŭ zabaraniŭ usie płaciažy, źviazanyja ź Biełaruśsiu. Što heta značyć na praktycy?

Najbujniejšy ź dziejnych u Litvie kamiercyjnych bankaŭ Swedbank u krasaviku zrabiŭ bolš strohimi ŭmovy dla apieracyj z Rasijaj i Biełaruśsiu. Častka klijentaŭ atrymała papiaredžańni. Redakcyja Delfi pacikaviłasia ŭ jurystaŭ, jak heta budzie vyhladać na praktycy.

Fota: Swedbank.lt

«Z 29 krasavika 2025 hoda bank Swedbank budzie rasceńvać jak niedastupnyja nie tolki pramyja, ale i ŭskosnyja apieracyi na rachunkach klijentaŭ u Swedbank, źviazanych z zabaronienymi krainami, uklučajučy Rasiju i Biełaruś», — skazana ŭ paviedamleńni banka.

Bank patłumačyŭ, što pryniaŭ takoje rašeńnie z-za vajny va Ukrainie, jakaja praciahvajecca, ciapierašniaha hieapalityčnaha stanovišča i ryzyki parušeńnia mižnarodnych sankcyj. 

Partnior advakackaj kantory Averus Jonas Sakałaŭskas skazaŭ, što pramy płaciož — heta pieravod na rachunak u zarehistravanym u Rasii banku abo atrymańnie srodkaŭ z takoha banka. Uskosny płaciož — uskosna tyčycca sankcyjanavanaj asoby, subjekta abo dziaržavy, kali hrošy pieravodziać praz pasiarednikaŭ abo trecija krainy. «Inšymi słovami, kali płaciož skanstrujavany tak, što srodki iduć praź niesankcyjanavanuju treciuju krainu (abo fiktyŭnuju kampaniju), ale kančatkovy atrymalnik — subjekt, jaki znachodzicca pad sankcyjami, takaja ździełka ličycca ŭskosnaj i zabaraniajecca roŭna, jak i pramaja», — skazaŭ Delfi ekśpiert.

Juryst advakackaj kantory Glimstedt Ksienija Vialičkienie skazała, što ŭskosnyja płaciažy — heta raźliki, pry jakich adzin bok ździełki ažyćciaŭlaje płaciažy praz rachunki ŭ finansavych ustanovach, zasnavanych u niesankcyjanavanych krainach, adnak adzin z subjektaŭ ździełki abo sam abjekt źviazany z zabaronienaj dziaržavaj. Naprykład, kampanija, zarehistravanaja ŭ zabaronienaj krainie, pradaje tavary litoŭskaj kampanii, a raźlik prachodzić praz rachunak, zarehistravany ŭ finansavaj ustanovie, jakaja znachodzicca ŭ niesankcyjanavanaj krainie.

«A taksama, kali zasnavanaja ŭ sankcyjanavanaj krainie kampanija, pradaje tavary litoŭskaj kampanii abo fizičnaj asobie praz pasiarednika, zarehistravanaha ŭ treciaj krainie. Tavary prychodziać u Litvu, a raźlik prachodzić z pasiarednikam, u jakoha taksama jość rachunak u treciaj krainie, paźniej jon pieravodzić hrošy hałoŭnamu pastaŭščyku, zarehistravanamu ŭ krainie, jakaja znachodzicca pad sankcyjami», — pryviała prykład juryst.

Jašče adzin varyjant: sankcyjnaje pradpryjemstva ŭ zabaronienaj dziaržavie praz daččynuju kampaniju, zarehistravanuju ŭ treciaj krainie (jakaja nie znachodzicca pad sankcyjami), ažyćciaŭlaje ździełki — pradaje tavary i pasłuhi.

«Prykład: litoŭskaja kampanija abo žychar kuplaje tavar u kampanii ES, adnak hety tavar na samaj spravie vyrableny ŭ Rasii. Niahledziačy na toje, što hrošy pieravodziać jeŭrapiejskaj kampanii (a nie naŭprost u Rasiju), heta moža ličycca ŭskosnaj apieracyjaj, źviazanaj z Rasijaj, — srodki faktyčna sychodziać za rasijski tavar», — skazaŭ Sakałaŭskas.

Jašče adzin vypadak: čałaviek pradaje majomaść u Biełarusi (kvateru abo aŭtamabil) i choča pieravieści atrymanyja hrošy na svoj litoŭski rachunak. «Navat kali jon pryviazie hrošy najaŭnymi i pasprabuje ŭnieści ich na rachunak u Litvie, hetaja apieracyja budzie ličycca ŭskosnaj apieracyjaj z sankcyjanavanaj krainaj (pakolki hrošy ź Biełarusi) (…) Bank acenić hetuju ździełku jak ryzykoŭnuju», — rastłumačyŭ Sakałaŭskas.

Vialičkienie kaža, što heta abmiežavańnie aktualna i dla biznesu, i dla žycharoŭ. Pavodle jaje słoŭ, za takija ździełki mohuć być nastupstvy — jak finansavyja sankcyi, tak i pazbaŭleńnie voli da 5 hadoŭ. «Heta abmiežavańnie zakranie i žycharoŭ — asabliva tych, u kaho jość svajaki, čalcy siamji abo siabry ŭ sankcyjanavanych krainach, ź jakimi jany raniej «abmieńvalisia» hrašyma praz pasiarednikaŭ abo inšyja finansavyja ŭstanovy», — skazała Vialičkienie.

Kamientary6

  • van der Eœvereen
    25.05.2025
    [Red. vydalena]
  • Koń
    26.05.2025
    Žora, pa- pieršaje , užo daŭno ich kartki ŭ RB nie pracujuć. Pa-druhoje, pieradavać ułasnyja kartki inšaj asobie zabaraniajuć lubyja banki
  • Andruś
    26.05.2025
    Žora, nu pa-sutnaści - heta jak pieradavać terarystam viertalot i miljon dalaraŭ, bo z usich hetych hrošaj płacicca padatak(-ki) ź jakich biudžetnikam-hubazikam płociać zarobki...

    Adna kartka - ličebnaść, a tysiačy kartak - bieźlič.

    Heta rytaryčnaje pytańnie na jakoje kožny adkazvaje pa-svojmu. I adkaz Litvy na jaho mnie całkam zrazumieły.

Ciapier čytajuć

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia

Usie naviny →
Usie naviny

Pa minskim vakzale chodzić mužčyna sa stosam hrošaj u rukach, ale prosić hrošy na kvitok1

Biełaruskamoŭny biazdomny Homiela atrymaŭ šaniec, kab źmianić žyćcio. Što ŭ vyniku?2

Łukašenka: Treba vyraścić stolki bulby, kab chapiła i nam, i Rasii. Treba dapamahčy bratam-rasijanam12

U Muchaŭcy znajšli cieła biez hałavy i ruk. Siłaviki raskryli zabojstva 24-hadovaj daŭnaści jak u filmach pra hanhstaraŭ2

Zialenski: Rasija prapanoŭvała pravieści pieramovy ŭ Biełarusi7

U minskim aeraporcie — masavyja zatrymki rejsaŭ2

Zialenski prapanavaŭ pravieści trochbakovuju sustreču z Pucinym i Trampam

Šrajbman: Ciapierašnija kanflikty ŭ apazicyi ŭžo mała kaho cikaviać15

Rabotniki MNS vyratavali na pažary sabaku i kata, a potym zrabili im štučnaje dychańnie

bolš čytanych navin
bolš łajkanych navin

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia

Hałoŭnaje
Usie naviny →

Zaŭvaha:

 

 

 

 

Zakryć Paviedamić