Prezident ZŠA rezka acharaktaryzavaŭ kiraŭnika Rasii Uładzimira Pucina, zajaviŭšy, što toj «absalutna zvarjacieŭ» i biespadstaŭna zabivaje ludziej va Ukrainie.
U svaim dopisie Tramp adznačyŭ, što zaŭsiody mieŭ «vielmi dobryja adnosiny» z Pucinym, adnak, pavodle jaho słoŭ, rasijski kiraŭnik źmianiŭsia. Tramp zajaviŭ, što Pucin «absalutna zvarjacieŭ» i «biespadstaŭna zabivaje ludziej», pakazvajučy na rasijskija ataki pa ŭkrainskich haradach.
«Rakiety i bieśpiłotniki abstrelvajuć harady va Ukrainie biez anijakaj pryčyny. Ja zaŭsiody kazaŭ, što jon (Pucin) choča ŭsiu Ukrainu, a nie tolki jaje častku, i, mahčyma, heta akazvajecca praŭdaj, ale kali jon heta zrobić, heta pryviadzie da padzieńnia Rasii!».
Adnačasova Tramp nie abminuŭ i prezidenta Ukrainy Uładzimira Zialenskaha, zajaviŭšy, što jaho rytoryka tolki ŭskładniaje situacyju.
«Usio, što vychodzić ź jaho vusnaŭ, vyklikaje prablemy, mnie heta nie padabajecca, i lepš by heta spyniłasia», — zajaviŭ Tramp.
Ciapier čytajuć
U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia2
Kamientary