ZŠA mohuć pradać Ukrainie sistemy Patriot, ale nie pieradaduć biaspłatna
Ukraina moža kupić Patriot-rakietnyja sistemy ŭ ZŠA, ale ŭžo nie atrymaje ich biaspłatna — novaja pazicyja administracyi Trampa.
Ukraina adčuvaje vostry niedachop zienitna-rakietnych kompleksaŭ Patriot i raźličvaje atrymać novyja kompleksy ad ZŠA. Adnak, jak adznačyli vydańniu The Washington Post ukrainskija čynoŭniki, administracyja Donalda Trampa hatovaja chutčej pradać hetyja sistemy, čym pieradać ich u ramkach vajskovaj dapamohi, jak heta rabiła kamanda Džo Bajdena.
Pa słovach vysokapastaŭlenaha ŭkrainskaha čynoŭnika, administracyja Trampa nie budzie davać Patriot biaspłatna, a tolki pradavać, i Ukrainie treba «prystasoŭvacca da takoj łohiki».
Heta aznačaje kaniec biaspłatnym pastaŭkam žyćciova važnych srodkaŭ abarony na fonie masiravanych rasijskich napadaŭ balistyčnymi rakietami.
Ukraina sutykajecca z deficytam Patriot paśla sieryi žorstkich rasijskich udaraŭ. U hety ž čas, u ZŠA ŭzmacniajecca strach pierad eskałacyjaj z Rasijaj i praź niedachop rakiet ułasnaj vytvorčaści.
Jeŭrapiejskija partniory taksama nieachvotna dzielacca svaimi zapasami. Miž tym, Paŭnočnaja Kareja pastaviła Rasii ŭžo 250 balistyčnych rakiet.
Raniej prezident Ukrainy Uładzimir Zialenski zajaviŭ ab hatoŭnaści nabyć u ZŠA dziesiać zienitnych kompleksaŭ Patriot za 15 miljardaŭ dołaraŭ ź finansavaj dapamohaj jeŭrapiejskich partnioraŭ, ale ZŠA nie pradajuć.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
Poniatno, počiemu chu.......ło rośsijskoje tak źvierstvujet.
Znajet, čto skoro nie połučitsia.