Hramadstva88

«I voś heta voś zrabili z narodam!» Azaronak vydaŭ za ŭkrainku francuzskuju tyktokierku — usio z-za siniaha i žoŭtaha

Hryhoryj Azaronak u svajoj prahramie niekalki chvilin razvažaŭ pra zaniapad Ukrainy na asnovie humarystyčnaha videa z tytoka. Voś tolki na videa nie ŭkrainka.

Azaronak u svaim strymie, jaki kruciać i ŭ efiry STB, vyrašyŭ parazvažać pra toje, što «zachodniki robiać z hramadstva ŭ Ukrainie». Na razvahi jaho natchniŭ rolik, jaki jon ubačyŭ u internecie.

Na im žančyna, šyroka ŭśmichajučysia, havoryć na vidavočna prydumanaj movie i robić skulpturu ź pieny ŭ sinich i žoŭtych kolerach. Azaronak, ubačyŭšy takuju kolernuju hamu, aŭtamatyčna zanios žančynu va ŭkrainki. Bo, jak viadoma, sini i žoŭty ŭ inšych krainach nie vykarystoŭvajucca.

«Što robiać z hramadstva, my možam pahladzieć. My zaraz pahladzim žančynu, jana takaja nie adna, takich videa davoli šmat. Heta, zdavałasia b, ludzi, jakija atrymali savieckuju adukacyju. Ale ž pieramoha hałaŭnoha mozha zdaryłasia», — skazaŭ Azaronak i ŭklučyŭ videa ź internetu.

@floflofrdl

Ingredients : bottle, wet wipe, dishwashing liquid, water, dye

♬ original sound - Floflo

Dalej prapahandyst zajaviŭ, što heta — vidavočna, sinie-žoŭtaja piena — čakała i biełarusaŭ u vypadku pieramohi pratestaŭ.

«I voś heta voś zrabili z narodam! I voś heta voś zrabili ź ludźmi! I voś heta voś čakała nas z vami! Voś heta voś pavinny byli zrabić z našymi babulami. Voś heta voś pavinna było być z našymi chramami», — uskliknuŭ Azaronak. Jak hetaje videa natchniła viadučaha na razvahi pra cerkvy, nie zusim zrazumieła.

Dalej prapahandysta, jak zvyčajna, paniesła płyńniu jahonaj ža zabłytanaj śviadomaści. Jon uspomniŭ, što ŭ 2020 hodzie niekatoryja chramy vitali pratestoŭcaŭ zvanami. I staŭ pałochać biełarusaŭ unijatami.

«Jašče niekatoryja z ałtaroŭ vitali mitynhoŭcaŭ. A potym vas by za baradu ŭziali i vykinuli b z chrama. Bo tudy pryjšli b unijaty, samaśviaty i inšyja inšyja. I nie advažylisia b pisknuć, tamu što pobač stajali b voś takija buhai, palicai, bratki Cichanoŭskaha», — biezapielacyjna zajaviŭ Azaronak.

I chaj by sabie, ale cymus u tym, što na videa nijakaja nie ŭkrainka, a davoli papularnaja tyktokierka z Francyi pad nikam floflo. Na jaje akaŭnt padpisanyja 2,7 miljona čałaviek. I jana naŭrad ci atrymlivała savieckuju adukacyju.

Žančyna pačynaje ŭsie svaje roliki frazaj kakou kakou, jakaja całkam prydumanaja — jana ničoha nie značyć. U svaich videa tyktokierka ź firmovaj uśmieškaj zvyčajna zajmajecca čym-niebudź, što zdajecca jaje aŭdytoryi miłym i śmiešnym. Naprykład, hulaje sa słajmam, nadušvajecca parfumami ŭ vielmi niezvyčajnych słoičkach, robić makijaž ci navat hatuje.

U roliku, jaki aburyŭ Azaronka, błohierka pakazała, jak zrabić skulpturu ź pieny z dapamohaj srodku dla myćcia posudu, farbavalnika, vady, survetki i butelki.

Videa floflo, u asnoŭnym dziŭnyja i absurdnyja, źbirajuć miljony prahladaŭ i dziasiatki tysiač kamientaroŭ. A jaje kakou kakou stała miemam: źjavilisia błohiery, jakija na francužanku robiać parodyi.

Kamientary8

  • Bieraść
    27.05.2025
    Azaronak - taki łoch! Łašara!
  • *
    27.05.2025
    Abh*ŭniaŭsia ŭ čarhovy raz, z kim nie zdarajecca!
  • Hihin
    27.05.2025
    Hriša, a jeŝie oni nahadili v tvoi štany.

Ciapier čytajuć

Biełaruski IT-miljarder Hurski: Maju pieršuju žonku zabiŭ hiembler2

Biełaruski IT-miljarder Hurski: Maju pieršuju žonku zabiŭ hiembler

Usie naviny →
Usie naviny

«Adčuŭ siabie kałabkom». 22-hadovy biełarus źbieh z vojska, pažyŭ na niekalkich kantynientach, ale ciapier jamu treba hrošy15

«Da našaj mašyny išła chutčej za milicyjantaŭ». Jak u Miadzielskim rajonie šukali źnikłuju 74-hadovuju žančynu2

Navukoŭcy vyśvietlili, jakija pradukty ŭ racyjonie žančyn siarednich hadoŭ pavyšajuć šancy na zdarovaje stareńnie

Piać hadoŭ tamu ŭ Hrodnie zatrymali Siarhieja Cichanoŭskaha6

«Moj termin paŭnamoctvaŭ padychodzić da kanca». Iłan Mask pakidaje administracyju Trampa4

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia13

Miadźviedzieŭ raskazaŭ, kolki rasijan padpisali vajskovyja kantrakty, i mocna razyšoŭsia z Pucinym1

U Francyi dziciačy chirurh hvałciŭ pacyjentaŭ, kali jany byli pad narkozam5

Siłaviki pryjšli ŭ «Viačerni Babrujsk», «Babrujsk Info» i «Volnaje Hłybokaje»8

bolš čytanych navin
bolš łajkanych navin

Biełaruski IT-miljarder Hurski: Maju pieršuju žonku zabiŭ hiembler2

Biełaruski IT-miljarder Hurski: Maju pieršuju žonku zabiŭ hiembler

Hałoŭnaje
Usie naviny →

Zaŭvaha:

 

 

 

 

Zakryć Paviedamić