U nazvach stancyj mietro na vychadach z padziemki źnikli niekatoryja litary
Pasažyry mietro zaŭvažyli, što na vychadzie z padziemki ŭ nazvach niekatorych stancyj «zhubilisia» litary. U Minskim mietrapalitenie Minsk-Navinam patłumačyli, što heta płanavaja zamiena elemientaŭ.
Naprykład, bieź litary «k» zastałasia stancyja «Kuncaŭščyna».
— Niekatoryja litary ŭ nadpisach na vychadach ź piešachodnych pierachodaŭ stancyj mietro pieryjadyčna hublajuć svoj vyhlad i razburajucca ad niespryjalnych źniešnich faktaraŭ. U toj ža čas usie elemienty abaviazkova pavinny adpaviadać pieršapačatkovamu architekturnamu rašeńniu. Tamu litara demantavana ŭ jakaści aryhinała dla nastupnaha vyrabu anałahičnych litar u adpaviednaści z peŭnym technałahičnym pracesam, — raskazali na pradpryjemstvie.
U hetych ža metach mianiajuć niekatoryja litary i na stancyi «Kamiennaja Horka». Raboty pa adnaŭleńni płanujuć zaviaršyć da 30 maja.
Na pradpryjemstvie prosiać pasažyraŭ z razumieńniem pastavicca da časovaha adsutnaści litar u nadpisach stancyj.
Ciapier čytajuć
Znojdziena cieła supracoŭnicy viciebskaj chimii — jaje šukali dva z pałovaj hady1
Kamientary