Volha Siamaška pryniała rašeńnie prypynić supracu ź biełaruskimi prajektami
Jaje ananimnyja kalehi z Aljansa rasśledavalnikaŭ Biełarusi zapeŭnivajuć, što apłacili dla jaje pachod na palihraf, jaki nibyta «nie vyjaviŭ nijakaj datyčnaści Siamaški da śpiecsłužbaŭ». Ale padrabiaznaści raskazać nie mohuć. Jak nie mohuć i pravieryć jaje muža-ahienta z pašpartam prykryćcia.
Ananimnaja supolnaść Aljans rasśledavalnikaŭ Biełarusi apublikavała vyniki ŭnutranaj pravierki situacyi z žurnalistkaj Volhaj Siamaškaj. Nahadajem, jaje muž Fiodar Harbačoŭ maje pašpart prykryćcia, a sama Siamaška mieła dostup da ŭraźlivaj infarmacyi — u pryvatnaści, pravodziła aŭdyt adnaho z fondaŭ paśla «Marafona salidarnaści».
Aljans paviedamiŭ, što nie znajšoŭ paćviardžeńnia nivodnamu tezisu z artykuła «Našaj Nivy» pra Volhu Siamašku.
Čytajcie:Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka
«Baču pomstu za maju pracu». Volha Siamaška adreahavała na rasśledavańnie «NN»
Aproč taho, kalehi Siamaški zapeŭnili, što jana prajšła pravierku na palihrafie ŭ adnoj z krain Jeŭrasajuza. «Pravierka nie vyjaviła nijakaj datyčnaści Volhi da supracy sa śpiecsłužbami», — adznačajuć aŭtary. Adnak kažuć, što dadatkovyja padrabiaznaści nie mohuć raspaŭsiudžvać pa ŭmovach «padpisanaj damovy ab nierazhałošvańni».
«Što tyčycca muža, Fiodara Harbačova, to my nie majem prava i kampietencyj pravodzić śpiecyjalnuju pravierku nakštałt dopytaŭ i inšaha ź im», — zajavili ŭ Aljansie.
Naprykancy kalehi Siamaški jašče raz nahadvajuć pra toje, što prypynili supracoŭnictva ź joj.
«Taksama ŭ nas jość infarmacyja ab tym, što Volha Siamaška pryniała rašeńnie prypynić supracu ź biełaruskimi prajektami», — paviedamlajuć jany.
«Kibierpartyzany»: U muža žurnalistki Volhi Siamaški sapraŭdy dva pašparty na roznyja imiony
Žurnalist paćvierdziŭ, što pašpart prykryćcia muža Siamaški dahetul sapraŭdny. I ŭziaŭ jaho pad kantrol na sajcie MUS
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda
«Dumajecie, ja hety pašpart doma nie šukała?» Volha Siamaška prakamientavała situacyju z dakumientam prykryćcia svajho muža
Błohier-pravakatar Virus vypadkova spaliŭ svajho infarmatara. Jon apublikavaŭ skrynšot, zrobleny Volhaj Siamaška
Kamientary
Možiet eto voobŝie prikrytije Hłavnoho raźviedyvatielnoho upravlenija HŠ VS RB...