«Kibierpartyzany»: U muža žurnalistki Volhi Siamaški sapraŭdy dva pašparty na roznyja imiony
Fiodar Viktaravič Harbačoŭ, muž žurnalistki Volhi Siamaška, maje jašče adzin biełaruski pašpart na imia Makaviejeŭ Viktar Fiodaravič. Takija danyja z uzłomanaj biełaruskaj AIS «Pašpart» dali Reform.news aktyvisty ź inicyjatyvy «Kibierpartyzany».
Žurnalisty źviarnulisia da «Kibierpartyzanaŭ», kab paćvierdzić infarmacyju, apublikavanuju ŭčora «Našaj Nivaj».
Sapraŭdy, u biełaruskaj pašpartnaj bazie, danyja ŭ jakoj aktualnyja na kaniec leta 2021 hoda, jość dva pašparty, vydadzienyja adnamu i tamu ž čałavieku. Heta Fiodar Viktaravič Harbačoŭ (1979-07-30) i Makaviejeŭ Viktar Fiodaravič (1978-07-29). Volha Siamaška paśla publikacyi rasśledavańnia «Našaj Nivy» vykłała ŭ svaim błohu «abviaržeńnie». Pavodle jaje słoŭ, ni joj, ni jaje mužu «ni pra jakija pašparty prykryćcia ničoha nie viadoma».
Para pakinuła Biełaruś 7 vieraśnia 2020 hoda. Kali vykazać zdahadku, što jašče adzin pašpart stvaryli biełaruskija śpiecsłužby, kab ačarnić kansultanta pa vajskovaj historyi ŭ kampanii Wargaming, to atrymlivajecca, što ŭ śpiecsłužbaŭ była mašyna času i jany zahadzia viedali, što pašpartnaja baza budzie ŭzłomanaja. Inšaha tłumačeńnia ŭ hałavu nie prychodzić.
U biełaruskich realijach druhi pašpart adnamu i tamu ž čałavieku vydajecca ŭ vyklučnych vypadkach, naprykład, supracoŭnikam śpiecsłužbaŭ dla praviadzieńnia śpiecyjalnych apieracyj. Taksama pašpart ź źmienienymi danymi mohuć atrymać nabližanyja da siamji Alaksandra Łukašenki asoby dla abychodu sankcyj abo dla sakretnaha pieramiaščeńnia za miažoj.
Ciapier čytajuć
Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy11
Kamientary
/Redakcyja, prabačcie za paŭtareńni/