Čarešni na Kamaroŭcy patańnieli ŭtraja. Čym jašče vyhadna zakupicca?
Za minuły tydzień košt čarešni na Kamaroŭskim rynku apuściŭsia z 35-40 rubloŭ za kiłahram da 11,90—15,90. Jak źmianilisia ceny na inšuju papularnuju sadavinu i aharodninu, paviedamlajuć Minsk-naviny.
Patańnieła i jašče adna papularnaja siezonnaja jahada — ale nie tak značna. Hreckija kłubnicy pradajuć ad 10,90 rubloŭ za kh. Biełaruskija na 3-4 rubli daražej, choć tydzień tamu prajs trymaŭsia na ŭzroŭni 20 rubloŭ. Raźbirajuć i abrykosy pa 9,90 rubla.
Znachodziacca i biełaruskija fiermiery-umielcy, jakija vyroščvajuć u ciaplicach malinu. Za maleńki łatok — 10 rubloŭ, abo kala 60 u pieraliku na kiłahram. Vychodzić navat tańniej zamorskich bujakoŭ, jaki nie znojdziecie tańniej za 65 rubloŭ.
— Maliny vyroščvajem pad Maładziečna. Uradžaj pajšoŭ prykładna dva tydni tamu. Ciapier choładna, tamu ŭ ciaplicach davodzicca padtaplać, — rastłumačyŭ fiermier.
Možna znajści i siezonnuju ekzotyku. Naprykład, šaŭkoŭnicu, abo jahady tutavaha dreva. Łatočak na 150 hramaŭ aceńvajuć u 15 rubloŭ. Kali ž vy zasumavali pa hruzinskaj kuchni i nadumajecie sami pryhatavać tkiemali abo čakapuli, to možacie ŭziać zialonuju ałyču. Košt u jaje, praŭda, kuślivy — 120 rubloŭ za kiłahram.
Aharodnina novaha ŭradžaju budzie dastupniej. Rańniaja biełakačannaja kapusta — pa 3 rubli. Maładaja cybula i morkva ŭ siarednim 3 rubli za kiło, rannija buraki — pa 6. Deficytnaja ŭ hetym siezonie bulba trymaje płanku na ŭzroŭni 5-6,5 rubla za maładyja kłubni.
Prajs na tamaty pačynajecca z 4,90 rubla za simpatyčnyja čyrvonyja. Biełaruskija malinavyja — pa 9,90, miasistyja bakinskija — pa 11,90, žoŭtyja z taho ž Azierbajdžana — jašče na 2 rubli daražej. Bałharski pierac možna adšukać pa 8,90, a amatary zakupicca vostrym piercam novaha ŭradžaju — pa 50 rubloŭ za kh. Biełaruskaja zialonaja sparža ŭžo nie pieršy tydzień trymajecca na ŭzroŭni 40 rubloŭ za kh.
Samyja tannyja ahurki buduć pa 2,79 za hładkapłodnyja i 3,99 — za kalučyja.
Tut stała prykmietna bolš raznastajnych sałataŭ i zialeniva. Śledam za rostam prapanovy pastupova papaŭzła ŭniz cana. Ramien, fryze, batavija, łoła rosa i mnohija inšyja — pa 15 rubloŭ za kiłahram.
Pučki duchmianych rukały pa 3 rubli, kinza i miata — pa 3,50, špinat pa 1,9, krop, manhold i ščaŭje — pa 1,5.
Stolki ž pryjdziecca zapłacić za zialony supierfud — liście kiejła. Małady pak-čoj za tydzień patańnieŭ na 10 rubloŭ — ciapier jon taksama pa 15 za kh.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary
kuplajcie biełaruskaje