U Homiel u listapadzie źbirajecca pryjechać viadomy rasijski śpiavak Hryhoryj Leps. Da kancerta jašče amal paŭhoda, ale kvitkoŭ na jaho zastałosia užo zusim niašmat, i heta z ulikam taho, što artyst vystupić na vialikaj placoŭcy — u Ladovym pałacy, a kvitki na jaho zusim nie tannyja, pišuć «Mocnyja naviny».
Košt kvitkoŭ na kancert Lepsa startuje ad 127 rubloŭ, a za samyja lepšyja miescy na placoŭcy pryjdziecca vykłaści i ŭsie 300.
Heta vyšej za rascenki inšych padobnych artystaŭ, jakija pryjazdžajuć u Homiel. Naprykład, samyja darahija kvitki na Irynu Dubcovu kaštavali blizu 130 rubloŭ, prykładna za stolki ž adryvalisia biełarusy na minskich kancertach «Ruki vvierch!», adznačajuć «Mocnyja naviny».
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary