Papularny łaŭkostar Ryanair pavialičvaje pamier biaspłatnaj ručnoj pakłažy
Biužetnaja avijakampanija Ryanair płanuje pavialičyć pamier biaspłatnaj ručnoj pakłažy na 20% u suviazi z uviadzieńniem novaha standartu ŭ ES.
Pasažyram budzie dazvolena ŭziać z saboj u sałon samalota takija pradmiety, jak žanočaja sumačka abo sumka dla noŭtbuka pamieram da 40 ch 30 ch 20 sm, biez dadatkovaj apłaty. Pradmiet pavinien važyć mienš za 10 kh i źmiaščacca «pad piarednim siadzieńniem», piša Bi-bi-si.
Novy pamier aznačaje pavieličeńnie abjomu na 20% u paraŭnańni ź biahučymi maksimalnymi pamierami.
Ryanair paviedamiła, što novy pamier biaspłatnaj ručnoj pakłažy ŭstupić u siłu ŭ bližejšyja tydni, kali jaje prybory dla vymiareńnia pamieru sumki buduć adaptavanyja da novaha standartu.
Ciapier maksimalny pamier biaspłatnaj ručnoj pakłažy składaje 40 sm ch 25 sm ch 20 sm, što ŭžo pieravyšaje abjom novaha jeŭrapiejskaha standartu 40 sm ch 30 sm ch 15 sm.
Avijakampanija Ryanair admoviłasia paviedamić, čamu jana pavialičvaje normu pravozu ručnoj pakłažy pasažyrami.
Wizz Air dazvalaje pieravozić adnu sumku ŭ sałonie samalota pamieram, roŭnym novym abmiežavańniam Ryanair — 40 sm ch 30 sm ch 20 sm, pry tym ža abmiežavańni pa vazie ŭ 10 kh.
ES pracuje z avijakampanijami, kab uzhadnić minimalny pamier biaspłatnaha bahažu, kab častyja padarožniki mahli nabyć adno miesca bahažu i być upeŭnienymi, što jon budzie pryniaty niekalkimi avijakampanijami.
Hetaje praviła raspaŭsiudžvajecca na avijakampanii, jakija bazujucca ŭ ES, u tym liku Easyjet, Ryanair i Wizz Air, ale avijakampanii, viadoma, mohuć prymać bahaž bolšaha pamieru, kali zachočuć.
U minułym miesiacy transpartny kamitet Jeŭrapiejskaha parłamienta prahałasavaŭ za prava pasažyraŭ na biaspłatny pravoz dadatkovaj ručnoj pakłažy vahoj da 7 kh. Prapanavanaje praviła jašče pavinna być uchvalena Jeŭrapiejskim parłamientam ahułam.
Ciapier čytajuć
U Sule adznačyli Kupalle. Haściej było stolki, što na darohach utvarylisia zatory6
Kamientary