Bild publikuje «sakretny śpis» zbroi, jakuju Ukraina prosić u Hiermanii
Z momantu pačatku kiravańnia ŭradam na čale z Frydrycham Miercam Hiermanija bolš nie abnaroduje infarmacyju ab novych pastaŭkach uzbrajeńnia Ukrainie. Aficyjny Kijeŭ taksama nie raskryvaje dadzienyja ab atrymanaj niamieckaj dapamozie.
Niamieckaje vydańnie Bild apublikavała niepubličny pieralik uzbrajeńnia, jakoje Ukraina chacieła b atrymać ad Hiermanii ŭ jakaści vajennaj dapamohi.
Vydańnie atrymała śpis, jaki ŭkrainski bok nibyta pieradaŭ niamieckamu z kankretnym zapytam na ŭzbrajeńnie na miljardy jeŭra. Śpis padzieleny na try katehoryi: supraćpavietranaja abarona, braniravanyja transpartnyja srodki i srodki REB.
Pavodle śpisu, Ukraina zacikaŭlena ŭ čatyroch novych ahniavych ustanoŭkach typu IRIS-T. Taksama Kijeŭ prosić Bierlin pradastavić u ahulnaj składanaści 1500 kiravanych rakiet dla rakietnaha kompleksu siaredniaj dalokaści IRIS-T SLM i 500 kiravanych rakiet dla kompleksu małoj dalokaści IRIS-T SLS.
Akramia taho, zapytvajecca 200 tysiač 40-mm zienitnych bojeprypasaŭ dla supraćdziejańnia rasijskim dronam.
Taksama Ukraina prosić pradastavić 1000 abaronienych ad min aŭtamabilaŭ i 200 husieničnych mašyn u roznych madyfikacyjach. Taksama zapytvajuć 30 braniravanych mašyn dla raźminavańnia i ad 20 da 30 inžyniernych tankaŭ typu WiSENT.
Pavodle najaŭnych u vydańnia dadzienych, Kijeŭ taksama paprasiŭ u Bierlina 200 pazadarožnikaŭ dla transparciroŭki śpiecpadraździaleńniaŭ.
Akramia taho, Ukraina prosić Hiermaniju ab padtrymcy ŭ śfiery radyjoelektronnaj baraćby. Joj nieabchodnyja 1000 GPS-hłušycielaŭ dla supraćdziejańnia varožym dronam, a taksama 200 mabilnych naziemnych radaraŭ dla nazirańnia i naviadzieńnia celaŭ.
Pradstaŭniki vajennaj pramysłovaści paćvierdzili vydańniu isnavańnie adpaviednaha śpisu. Ministerstva abarony Hiermanii, u svaju čarhu, nie adkazała na zapyt.
Ministr abarony Hiermanii Barys Pistoryus u červieni zajaviŭ, što niamiecki bok daść Ukrainie dadatkovuju vajskovuju dapamohu na sumu 1,9 miljarda jeŭra.
Hiermanija taksama viadzie «intensiŭnyja pieramovy» z ZŠA pa zabieśpiačeńni Ukrainy sistemami supraćpavietranaj abarony Patriot, nahadvaje «Jeŭrapiejskaja praŭda».
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Vot primier žiźni, kohda dostałosť dobro nie v tie ruki.