Bild публікуе «сакрэтны спіс» зброі, якую Украіна просіць у Германіі
З моманту пачатку кіравання ўрадам на чале з Фрыдрыхам Мерцам Германія больш не абнародуе інфармацыю аб новых пастаўках узбраення Украіне. Афіцыйны Кіеў таксама не раскрывае дадзеныя аб атрыманай нямецкай дапамозе.
Нямецкае выданне Bild апублікавала непублічны пералік узбраення, якое Украіна хацела б атрымаць ад Германіі ў якасці ваеннай дапамогі.
Выданне атрымала спіс, які ўкраінскі бок нібыта перадаў нямецкаму з канкрэтным запытам на ўзбраенне на мільярды еўра. Спіс падзелены на тры катэгорыі: супрацьпаветраная абарона, браніраваныя транспартныя сродкі і сродкі РЭБ.
Паводле спісу, Украіна зацікаўлена ў чатырох новых агнявых устаноўках тыпу IRIS-T. Таксама Кіеў просіць Берлін прадаставіць у агульнай складанасці 1500 кіраваных ракет для ракетнага комплексу сярэдняй далёкасці IRIS-T SLM і 500 кіраваных ракет для комплексу малой далёкасці IRIS-T SLS.
Акрамя таго, запытваецца 200 тысяч 40-мм зенітных боепрыпасаў для супрацьдзеяння расійскім дронам.
Таксама Украіна просіць прадаставіць 1000 абароненых ад мін аўтамабіляў і 200 гусенічных машын у розных мадыфікацыях. Таксама запытваюць 30 браніраваных машын для размінавання і ад 20 да 30 інжынерных танкаў тыпу WiSENT.
Паводле наяўных у выдання дадзеных, Кіеў таксама папрасіў у Берліна 200 пазадарожнікаў для транспарціроўкі спецпадраздзяленняў.
Акрамя таго, Украіна просіць Германію аб падтрымцы ў сферы радыёэлектроннай барацьбы. Ёй неабходныя 1000 GPS-глушыцеляў для супрацьдзеяння варожым дронам, а таксама 200 мабільных наземных радараў для назірання і навядзення цэляў.
Прадстаўнікі ваеннай прамысловасці пацвердзілі выданню існаванне адпаведнага спісу. Міністэрства абароны Германіі, у сваю чаргу, не адказала на запыт.
Міністр абароны Германіі Барыс Пісторыус у чэрвені заявіў, што нямецкі бок дасць Украіне дадатковую вайсковую дапамогу на суму 1,9 мільярда еўра.
Германія таксама вядзе «інтэнсіўныя перамовы» з ЗША па забеспячэнні Украіны сістэмамі супрацьпаветранай абароны Patriot, нагадвае «Еўрапейская праўда».
Цяпер чытаюць
Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная5
Каментары
Вот пример жизни, когда досталость добро не в те руки.