Abvinavačany Alaksandr Łaryn: «Ja zabiŭ i zakapaŭ svajho saŭdzielnika»
U Viarchoŭnym sudzie praciahvajecca praces pa spravie Aŭtuchoviča, Asipienki, Kazłova i Łaryna.
U Viarchoŭnym sudzie praciahvajecca praces pa spravie Aŭtuchoviča, Asipienki, Kazłova i Łaryna. Siońnia byli prahledžanyja dakumienty spravy, datyčnyja da vočnaj staŭki Alaksandra Łaryna i Ŭładzimiera Asipienki, jakaja była praviedziena ŭ lutym 2009 hodu.
Padčas hetaj vočnaj staŭki Alaksandr Łaryn paviedamiŭ, što jon nibyta zabiŭ i zakapaŭ svajho saŭdzielnika, ź jakim razam rychtavaŭsia da zamachu na staršyniu Haradzienskaha abłvykankamu Ŭładzimira Saŭčanku. «Jon kryminalnik, tamu jaho nichto nia budzie šukać», — skazaŭ Łaryn Asipienku.
Łaryn paviedamiŭ, što jamu byccam by pieradali hrošy — 2 tysiačy dalaraŭ u jakaści avansu za zabićcio Saŭčanki, a taksama 800 dalaraŭ na nabyćcio aŭtamabila. Ale padčas hetaha dopytu stała viadoma, što ad płanaŭ na zamach Łaryn admoviŭsia, pakinuŭ hranatamiot i vybuchovaje prystasavańnie i paprasiŭ Asipienku zabrać hetyja rečy.
Pavodle pakazańniaŭ Uładzimira Asipienki, usio było zusim nia tak: jon ničoha nia viedaŭ ni pra zamach, ni pra zbroju, i ŭsie pakazańni, jakija daje Alaksandr Łaryn, Asipienka abviarhaje.
Advakat Aŭtuchoviča Pavał Sapiełka, kamientujučy hetyja pakazańni Łaryna, skazaŭ, što ŭ spravie niama nijakich źviestak pra saŭdzielnika, jakoha Łaryn nibyta «zabiŭ i zakapaŭ», advakatu nieviadoma i pra śledčyja dziejańni pa hetym epizodzie.
«Padčas miedyka‑psichijatryčnaj ekśpiertyzy, jakuju pravodzili Łarynu, jon sam pra siabie skazaŭ, što «byvaje roznym». Tamu mnie ciažka kamientavać hetuju zajavu, spadziajusia, sud daść usioj spravie naležnuju adznaku», — skazaŭ «Svabodzie» advakat Pavał Sapiełka.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary