U Rasii chłopiec na «Leksusie» efiektna vylataŭ na nabiarežnuju dziela pryhožaha videa. Zahinuŭ sam i dźvie siabroŭki
Pieršy dubl byŭ sapsavany, tamu pryjšłosia razhaniacca znoŭ.
U rasijskim Nižnim Tahile (Śviardłoŭskaja vobłaść) u noč na 8 lipienia «Leksus» prataraniŭ čyhunnyja parenčy mosta i zvaliŭsia ŭ vadu. 19-hadovy kiroŭca krasoviera na vialikaj chutkaści ŭjechaŭ na ŭzdym, a zatym sprabavaŭ zatarmazić na spusku, ale nie paśpieŭ. U avaryi zahinuŭ jon sam, a taksama dźvie 20-hadovyja pasažyrki.
Zdareńnie było źniata na videa. Pry hetym niezadoŭha da DTZ aŭtary rolika zdymali «Leksus» u tym samym miescy, ale pierad im jechaŭ matacyklist, tamu kiroŭcu daviałosia prytarmazić. Za košt hetaha jon zdoleŭ upisacca ŭ pavarot.
A voś druhaja sproba akazałasia trahičnaj.
19-hadovy kiroŭca Alaksandr atrymaŭ pravy mienš za hod tamu. Aŭtamabil jon uziaŭ u svajho baćki-biznesmiena.
Zahinułyja dziaŭčyny, Nastaśsia i Vieranika, byli siabroŭkami sa škoły.
Rasijskija ŚMI raskazvajuć padrabiaznaści siamiejnaj dramy adnoj ź dziaŭčyn: dva hady tamu ŭ siamji Nastaśsi pry niezvyčajnych abstavinach zahinuŭ baćka. Palicejskija zatrymali jaho na vulicy pjanym, a kali dastavili ŭ adździaleńnie i adkryli ŭazik, to mužčyna byŭ užo miortvy. Akazałasia, jaho zasunuli ŭ słužbovuju mašynu hałavoj uniz. Pryčynaj śmierci staŭ pierałom šyjnaha pazvanka.
-
Rasija paskardziłasia ŭ JUNIESKA na film, jaki atrymaŭ «Oskara». Kažuć, što nie padumali pra dziaciej
-
Polski sud adobryŭ ekstradycyju viadomaha rasijskaha archieołaha va Ukrainu. Jaho vinavaciać u niezakonnych raskopkach u Krymie
-
Kiraŭnik «Alternatyvy dla Hiermanii» Alisa Vajdel zaklikała da pastavak nafty z Rasii
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii13
Kamientary