SBU zabiła kileraŭ, jakija zastrelili pałkoŭnika Słužby biaśpieki ŭ Kijevie
Kiraŭnik SBU Vasil Maluk zapisaŭ videa pra heta na fonie ciełaŭ, jak jon kaža, ahientaŭ FSB.
Śpiecapieracyjaj pa pošuku zabojcaŭ ukrainskaha abaroncy asabista kiravaŭ kiraŭnik SBU Vasil Maluk.
«Ahienturna-bajavaja hrupa FSB RF była zahadzia nakiravana va Ukrainu i try dni tamu ździejśniła zabojstva supracoŭnika SBU. U vyniku praviadzieńnia sakretnych pošukavych, aktyŭna-kontrvyviedvalnych mierapryjemstvaŭ varožaje ležbišča było vyjaŭlena.
Padčas zatrymańnia jany pačali supraciŭ, adbyŭsia ahniavy kantakt, tamu niahodniki byli likvidavanyja. Chaču nahadać, što adzinaja pierśpiektyva dla voraha na terytoryi Ukrainy — heta śmierć!» — kaža na videa Maluk.
Pa infarmacyi SBU, zabojstva 50-hadovaha pałkoŭnika SBU Ivana Varoniča ździejśnili dvoje asob — mužčyna i žančyna. Nijakich padrabiaznaściaŭ pra asob jon nie skazaŭ.
Jany sačyli za supracoŭnikam SBU, vyznačyli jaho rasparadak dnia i maršruty pieramiaščeńnia. Zatym kileram pieradali kaardynaty schovanki, dzie znachodziŭsia pistalet z hłušylnikam.
Ździejśniŭšy zabojstva pałkoŭnika Słužby biaśpieki, kilery sprabavali «zalehčy na dnie». Ale supracoŭniki SBU i Nacpalicyi vyznačyli ich miescaznachodžańnie na Kijeŭščynie.
Siońnia zranku była praviedzienaja śpiecapieracyja, padčas jakoj mierkavanyja kilery byli zabityja.
50-hadovaha pałkoŭnika SBU nieviadomy rasstralaŭ u centry Kijeva ź pistaleta z hłušycielem 10 lipienia. U rajonie 9:00 nieviadomy padbieh da 50-hadovaha Ivana Varoniča na vulicy i piać razoŭ streliŭ ź pistaleta z hłušycielem. Paśla čaho ŭciok. Pałkoŭnik atrymaŭ ciažkija ranieńni i pamior na miescy.
Vydańnie The New York Times, spasyłajučysia na byłoha kalehu zahinułaha piša, što Ivan Varonič paśla ŭstupleńnia ŭ SBU ŭ siaredzinie 1990-ch hadoŭ kamandavaŭ padraździaleńniem śpiecyjalnych apieracyj. Jon kiravaŭ hrupaj, jakaja likvidavała «Matarołu».
Kamientary