Prezident Ukrainy Uładzimir Zialenski užo zaŭtra moža prapanavać pasadu staršyni ŭrada ciapierašniaj pieršaj vice-premjercy — ministarcy ekanomiki Julii Śvirydzienka. Zaŭtra jon sustreniecca ź joj, kab abmierkavać farmat i členaŭ novaha Kabinieta ministraŭ, paviedamlaje «Suśpilnie» sa spasyłkaj na infarmavanaha surazmoŭcu z atačeńnia Zialenskaha.
Kandydaturu dziejnaha premjera Dzianisa Šmyhala mohuć razhladać na pasadu ministra abarony zamiest Rustema Umierava, jakoha buduć naminavać na pasadu ambasadara Ukrainy ŭ ZŠA.
Akramia Šmyhala, na pasadu kiraŭnika Minabarony razhladajucca taksama kandydatury ministra ŭnutranych spraŭ Ihara Klimienki i vice-premjera — ministra ličbavaj transfarmacyi Michaiła Fiodarava.
Na niadaŭniaj kanfierencyi ab adnaŭleńni Ukrainy, jakaja adbyłasia ŭ Rymie, Julija Śvirydzienka, jakaja tam prysutničała, kazała, što joj pakul nie prapanoŭvali ŭznačalić urad.
Ciapier čytajuć
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?3
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary