Прэзідэнт Украіны Уладзімір Зяленскі ужо заўтра можа прапанаваць пасаду старшыні ўрада цяперашняй першай віцэ-прэм'ерцы — міністарцы эканомікі Юліі Свірыдзенка. Заўтра ён сустрэнецца з ёй, каб абмеркаваць фармат і членаў новага Кабінета міністраў, паведамляе «Суспільне» са спасылкай на інфармаванага суразмоўцу з атачэння Зяленскага.
Кандыдатуру дзейнага прэм'ера Дзяніса Шмыгаля могуць разглядаць на пасаду міністра абароны замест Рустэма Умерава, якога будуць намінаваць на пасаду амбасадара Украіны ў ЗША.
Акрамя Шмыгаля, на пасаду кіраўніка Мінабароны разглядаюцца таксама кандыдатуры міністра ўнутраных спраў Ігара Кліменкі і віцэ-прэм'ера — міністра лічбавай трансфармацыі Міхаіла Фёдарава.
На нядаўняй канферэнцыі аб аднаўленні Украіны, якая адбылася ў Рыме, Юлія Свірыдзенка, якая там прысутнічала, казала, што ёй пакуль не прапаноўвалі ўзначаліць урад.
Цяпер чытаюць
Каментары