Złučanyja Štaty Amieryki płanujuć praz novy miechanizm vajskovaj dapamohi pieradać Ukrainie pieršuju partyju ŭzbrajeńniaŭ na sumu 10 miljardaŭ dalaraŭ. Pra heta paviedamlaje vydańnie Axios sa spasyłkaj na svaje krynicy.
U hetuju partyju dapamohi ŭvojduć rakiety, sistemy supraćpavietranaj abarony i artyleryjskija snarady, u tym liku i rakiety dalokaha dziejańnia, zdolnyja dasiahać terytoryi Rasii.
Pavodle infarmacyi kanała CNN, Vašynhton płanuje pradavać hetaje ŭzbrajeńnie krainam NATA, kab tyja ŭžo pieradavali jaho Kijevu. U hetym vypadku zbroja nie budzie iści niepasredna ad ZŠA da ŭkrainskich vajskoŭcaŭ — tak Donald Tramp choča vykanać svaje pieradvybarnyja abiacańni ab skaračeńni pramoha ŭdziełu Amieryki ŭ vajnie.
Akramia palityčnaj mety, schiema pryniasie ekanamičnuju vyhadu: naprykład, sistema Patriot kaštuje kala $1 miljarda. Tramp nieadnarazova padkreślivaŭ, što takija pastaŭki vyhadnyja dla amierykanskaj abaronnaj industryi.
Aficyjnaje paćviardžeńnie hetaj inicyjatyvy prahučała 14 lipienia padčas pres-kanfierencyi Trampa ŭ Biełym domie z hienieralnym sakratarom NATA Markam Rute. Tramp zajaviŭ, što ZŠA buduć vyrablać zbroju, a jeŭrapiejskija partniory apłačvać i pieradavać jaje Ukrainie.
Adna z klučavych častak prahramy — heta zienitna-rakietnyja kompleksy Patriot. Ukraina moža atrymać da 17 takich ustanovak, i častku ź ich — užo ŭ najbližejšy čas.
Taksama Tramp rezka raskrytykavaŭ dziejańni Rasii, vykazaŭ rasčaravańnie pazicyjaj Pucina i adznačyŭ, što Maskva paźbiahaje pieramoŭ. Jon dadaŭ, što kali mirnaje pahadnieńnie nie budzie dasiahnuta na praciahu 50 dzion, ZŠA ŭviaduć druhasnyja taryfy suprać Rasii i jaje partnioraŭ — da 100%.
Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie
Tramp: 17 sistem Patriot adpravim va Ukrainu
ZŠA źbirajucca pieradać Kijevu kryłatyja rakiety JASSM
Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa
Pucin papiaredziŭ Trampa, što ŭ nastupnyja 60 dzion płanuje čarhovy nastup na ŭschodzie Ukrainy
Kamientary