U Piatryškach viečaram 16 lipienia troje chłopčykaŭ va ŭzroście 8, 9 i 11 hadoŭ składali kamiani na čyhunku niepadalok ad mosta.
Dvoje ź ich — miascovyja žychary, treci — pryjechaŭ sa Smalavickaha rajona ŭ hości da babuli, paviedamlaje «Milicyja Minščyny».
Heta nie adziny vypadak: chłopcy taksama byli zaŭvažanyja za anałahičnymi dziejańniami 13 i 14 lipienia. Milicyjaj pravodzicca pravierka.
Pakolki dzieci nie dasiahnuli ŭzrostu, ź jakoha nastupaje administracyjnaja abo kryminalnaja adkaznaść, da adkaznaści mohuć pryciahnuć ich baćkoŭ. U dačynieńni da ich budzie dadziena pravavaja acenka pavodle artykuła 10.3 KaAP — za nienaležnaje vychavańnie. Supracoŭniki milicyi naviedali siemji junych parušalnikaŭ, praviali prafiłaktyčnyja hutarki ź dziećmi i ich baćkami, nahadaŭšy pra niebiaśpieku takich dziejańniaŭ.
U milicyi nahadali: padobnyja pravinnaści, u zaležnaści ad nastupstvaŭ, mohuć razhladacca jak naŭmysnaje paškodžańnie šlachoŭ złučeńnia (artykuł 309 KK) abo chulihanstva (artykuł 339 KK).
Kamientary