Jak ustalavać kandycyjanier na fasadzie doma? Kamunalniki patłumačyli
Kandycyjanier ličycca inžyniernym abstalavańniem. Tamu dla taho, kab ustalavać jaho na svaim domie, treba źviarnucca da vykankamu. Ministerstva žyllova-kamunalnaj haspadarki padzialiłasia instrukcyjaj.
Ilustracyjny zdymak
Zajavu ab ustalavańni kandycyjaniera treba padać u miascovy vykankam.
Da jaje treba prykłaści:
- pašpart ci inšy dakumient, jaki śviedčyć asobu,
- techničny pašpart,
- dakumient, jaki paćviardžaje prava ŭłasnaści na pamiaškańnie — dla ŭłaśnika pamiaškańnia.
Adnoj z padstaŭ dla admovy ŭ dazvole ŭstanoŭki kandycyjaniera moža stać toje, što fasad doma vychodzić na hałoŭnyja vulicy i płoščy, udakładnili kamunalniki.
Paśla taho, jak atrymany dazvoł ad vykankama, čałaviek moža zaklučyć damovu z tym, chto budzie ŭstaloŭvać kandycyjanier.
Kamientary