Hramadstva33

«Kamunarka» i «Spartak» pačnuć rabić cukierki ź vieniesuelskich kakava-baboŭ

Syravina ź Vieniesueły moža abyścisia na 15—20% tańniej, čym z Afryki.

Ilustracyjnaje fota BiełTA

Kandytarskija fabryki «Kamunarka» i «Spartak» atrymali pieršyja probnyja partyi kakava-baboŭ ź Vieniesueły. Na hetym tydni jany prystupiać da ich pierapracoŭki, piša BiełTA.

Ekśpierymientavać z syravinaj vymušaje rost cen na jaje va ŭsim śviecie. Jak raspavioŭ kiraŭnik «Biełdziaržcharčprama» Aleh Žydkoŭ, pakolki «naša kandytarskaja halina impartazaležnaja», spačatku pradpryjemstvy sprabavali spravicca z hetym za košt utrymańnia cany na hatovuju pradukcyju.

— My ich nie pavyšali i pracavali ŭ miežach toj ekanomiki, jakaja nam dazvalała strymlivać hety imklivy rost sabiekoštu, u nadziei, što, napeŭna, praź niejki pieryjad času, mahčyma, cana vierniecca. Ale ŭžo 2024 i 2025 hady my pracujem i bačym, što cana istotna nie źmianiajecca.

Aleh Žydkoŭ nahadaŭ, što na canu kakava-baboŭ u pieršuju čarhu ŭpłyvaje ŭradžajnaść.

— Uradžaj kakava-baboŭ źbirajecca dva razy na hod — u mai i kastryčniku-listapadzie. Pa ŭradžajnaści kastryčnika-listapada my ŭžo možam prahnazavać, jakoj budzie cana da kanca hoda i na pačatak 2026 hoda. Pakul pieradumoŭ da taho, što cana pojdzie ŭniz, my nie bačym, pakolki čakanyja abjomy ŭradžaju nižejšyja za toj popyt, jaki isnuje na suśvietnym rynku.

Tradycyjna Biełaruś zakuplaje kakava-baby ŭ krainach Afryki, ale situacyja z cenami vymusiła šukać novych pastaŭščykoŭ, ciapier užo i ŭ Łacinskaj Amierycy.

— My siońnia pačynajem atrymlivać probnyja partyi ź Vieniesueły. My atrymali i na «Kamunarku», i na «Spartak» pa 100 ton kakava-baboŭ dastatkova dobraj jakaści. Jany niadrenna zarekamiendavali siabie ŭ vyhladzie ŭzoraŭ.

Na hetym tydni fabryki prystupiać da pierapracoŭki hetych kakava-baboŭ.

Pavodle prahnozaŭ «Biełdziaržcharčprama», syravina ź Vieniesueły moža abyścisia na 15—20% tańniej, čym u afrykanskich vytvorcaŭ.

Kamientary3

  • Čava kakava
    21.07.2025
    Šukać bolš tannuju syravinu - heta narmalna!
  • daviedka
    21.07.2025
    Ciena – kačiestvo. Etot śliv prizvan povlijať na śnižienije cieny kakao-bobov iz Afriki, no nie dumaju, čto tam ispytyvajut dieficit v žiełajuŝich pokupať u nich.
  • Valenty
    21.07.2025
    Atrymajecca pryblizna nastolki tańniej, jak była nafta - u paraŭnańni z rasiejskaj. ))

Ciapier čytajuć

Cichanoŭski: Pryjechaŭ by i pacisnuŭ Trampu ruku16

Cichanoŭski: Pryjechaŭ by i pacisnuŭ Trampu ruku

Usie naviny →
Usie naviny

Nie prapuścicie vialikija źnižki na rekłamu ŭ «Našaj Nivie» da kanca leta

62-hadovuju namieśnicu dyrektara minskaj himnazii adpravili ŭ kałoniju za palityku12

Złučanyja Štaty mohuć skaracić kolkaść svaich vojskaŭ u Jeŭropie na 30%3

Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij3

Nastajaciel manastyra Šaaliń trapiŭ pad śledstva pa padazreńni ŭ rastratach i amaralnym ładzie žyćcia4

U Rečyckim rajonie ad udaru tokam zahinuli dvoje mužčyn

Ceny na šakaład ździŭlajuć13

Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha30

Muzykanty vydalajuć svaju muzyku sa Spotify, bo jon spansaruje kampaniju, jakaja vyrablaje tysiačy dronaŭ dla Ukrainy26

bolš čytanych navin
bolš łajkanych navin

Cichanoŭski: Pryjechaŭ by i pacisnuŭ Trampu ruku16

Cichanoŭski: Pryjechaŭ by i pacisnuŭ Trampu ruku

Hałoŭnaje
Usie naviny →

Zaŭvaha:

 

 

 

 

Zakryć Paviedamić