Kałumbijski pornaakcior spačatku zabiŭ, a paśla rasčlaniŭ dvuch svaich znajomych-brytancaŭ

Jak piša The Times, prykładna 10 hadoŭ tamu na toj čas 52-hadovy instruktar pa płavańni Albiert Alfonsa na śpiecyjalizavanym sajcie paznajomiŭsia z 25-hadovym Justynam Maskiera z kałumbijskaha horada Miedeljin. U ich było ahulnaje zachapleńnie ekstremalnymi praktykami seksu. Alfonsa zdymaŭ ułasnyja videa i vykładvaŭ ich u internet.

U svaju čarhu Maskiera pad nikami «I am Black Master» i «Mr D* 20 cm» zarablaŭ dadatkovyja hrošy, prapanujučy svaje videa z ekstremalnymi praktykami na parnahrafičnych sajtach pa canie ad 20 da 80 funtaŭ sterlinhaŭ.

U chutkim časie Alfonsa staŭ pastajannym klijentam Maskiery, a paźniej anłajn-znajomstva pierajšło ŭ afłajn.

U kastryčniku 2023 hoda Albiert Alfonsa, jaki na toj čas žyŭ u Łondanie sa svaim partnioram Połam Łonhvartam, jaki nie prymaŭ udziełu ŭ vyčvarenskich praktykach, zaprasiŭ Maskiera ŭ Vialikabrytaniju. Troica naviedała słavutaści Łondana, sfatahrafavałasia ŭ muziei madam Ciuso, katałasia na aŭtobusie z adkrytym viercham i račnym parachodzie. Usie vydatki apłačvaŭ Alfonsa. Tym časam Maskiera pačaŭ pleści svoj złačynny płan.

Paśla viartańnia na radzimu jon zapisaŭ pravakacyjnaje videa pad nazvaj «For my slave Albert» i nieŭzabavie zaprasiŭ Alfonsa i Łonhvarta na adpačynak u Kałumbiju ŭ sakaviku 2024 hoda.

U sacyjalnych sietkach źjavilisia fatahrafii, na jakich dvoje sivych mužčyn padčas prahułki na chutkasnym kaciery abdymajuć maładoha mužčynu, jaki śmiajecca, paciahvajuć piva i chavajucca ad śpioki pad parasonam.

U červieni 2024 hoda para pažyłych brytancaŭ znoŭ zaprasiła Maskiera da siabie. Alfonsa apłaciŭ jamu miesiačny kurs anhlijskaj movy i abaniemient u spartzału.

Pavialičyć

Adnak, jak vyśvietlili śledčyja, jašče da pryziamleńnia ŭ Chitroŭ kałumbijec pačaŭ vyśviatlać košt doma pary. Užo znachodziačysia ŭ haściach, jon zdoleŭ skapiravać rekvizity bankaŭskich kartak i paroli Alfonsa, i šukaŭ na markietpłejsach u internecie ladoŭniu i «pramysłovy błendar».

Siarod inšych pošukavych zapytaŭ byli «sieryjnyja zabojcy Łondana» i «film pra Džeka-trybušyciela». Akramia taho, jon pačaŭ šukać nieruchomaść, što vystaŭlena na prodaž u jaho rodnym horadzie ŭ Kałumbii.

Brutalnyja zabojstvy

Ranicaj 8 lipienia, kali Alfons pajšoŭ na pracu, Maskiera napaŭ na 71-hadovaha Poła Łonhvarta i zabiŭ jaho dzieviaćciu ŭdarami małatka pa hałavie. Cieła jon schavaŭ u skryniu dla zachoŭvańnia ŭ kanapie. Zatym vyjšaŭ u internet, kab zabraniravać avijabilet u Kałumbiju.

Kali 62-hadovy Alfonsa viarnuŭsia dadomu a 19:45, Maskiera prapanavaŭ jamu pajści ŭ spalniu dla zapisu seksualnaha videa. Padčas akta jon 13 razoŭ udaryŭ Alfonsa nažom u šyju, pytajučy: «Ci padabajecca tabie heta?»

Pačałasia doŭhaja baraćba, abodva byli ŭ kryvi, kamiera pierakuliłasia, ale Maskiera ŭrešcie prymusiŭ achviaru lehčy na łožak i pierarezaŭ jamu horła.

«Što sapraŭdy ŭražvaje padčas prahladu zapisu — heta toje, nakolki spakojnym i poŭnaściu kantralujučym situacyju zastajecca abvinavačany na praciahu ŭsiaho videa.

Jon vyhladaje nastolki abyjakavym da taho, što tolki što zrabiŭ, što, pakul spadar Alfonsa pamiraje na padłozie, abvinavačany pačynaje śpiavać, zatym puskajecca ŭ taniec, a paśla biez anijakaha vahańnia nakiroŭvajecca da kampjutara achviary i pačynaje karystacca im, kab atrymać dostup da jaho finansaŭ. Uražvaje poŭny spakoj i abyjakavaść.

Nijakaha šoku, strachu — tolki ejfaryja. Jon pavodziŭ siabie tak, byccam ničoha nie adbyłosia», —

cytuje vydańnie słovy prakurorki Dyjany Chir.

Sproby schavać złačynstva

Na praciahu nastupnych dvuch dzion Maskiera raśpiłavaŭ cieły achviar piłoj. Hałovy jon pakłaŭ u ladoŭniu, astatnija častki — u čamadan. Zatym jon zamoviŭ furhon z kiroŭcam i vyjechaŭ u Brystal. Pierad hetym jon źniaŭ niekalki sotniaŭ funtaŭ z rachunkaŭ achviar i dasłaŭ paviedamleńnie z telefona Alfonsa jahonaj načalnicy, byccam toj lacić u Kosta-Ryku z-za nadzvyčajnaha zdareńnia ŭ siamji.

Mahčyma, Maskiera moh by całkam realizavać svoj płan, kab nie vypadkovaja sustreča na Kliftanskim moście ŭ Brystali.

10 lipienia 2024 hoda kala 22:30 jon vyjšaŭ ź vializnym čyrvonym čamadanam niepadalok ad mosta. Dva vypadkovyja minaki spytalisia, ci nie patrebna jamu dapamoha. Maskiera, nazvaŭšysia «Chuanam», z dapamohaj Google Translate im raskazaŭ, što na moście pavinien sustrecca z klijentam i pieradać «miechaničnyja častki i alej». Jany prapanavali padvieźci jaho, ale čamadan akazaŭsia «zanadta ciažki i vialiki, kab źmiaścicca ŭ bahažniku».

Pavialičyć

U 23:05 kamiery videanazirańnia zafiksavali, jak Maskiera ciahnie čyrvony čamadan pa tratuary kala mosta i hladzić praz parapiet uniz na ciaśninu raki Ejvan. Achoŭniki mosta zaŭvažyli, što z čamadana ciače niejkaja vadkaść. Da jaho źviarnuŭsia viełasipiedyst, jaki zahavaryŭ ź im pa-ispansku i paprasiŭ adkryć valizku. Maskiera admoviŭsia i kinuŭsia na ŭcioki. Viełasipiedystu atrymałasia źniać jaho na telefon.

Paśla hetaha mužčyna byŭ abvieščany ŭ vyšuk, i 13 lipienia 2024-ha palicyja jaho zatrymała la vakzała ŭ Brystali. Jon usio jašče byŭ u akryvaŭlenaj futbołcy. Paźniej palicyja znajšła adsiečanyja hałovy Alfonsa i Łonhvarta ŭ marazilnaj kamiery ŭ ich «mocna zapeckanym kryvioju» domie.

U sudzie Maskiera śćviardžaŭ, što zabiŭ Alfonsa ŭ metach samaabarony, bo nibyta bačyŭ, jak toj zabiŭ Łonhvarta. Adnak 21 lipienia 2025 hoda prysiažnyja pryznali jaho vinavatym u dvajnym zabojstvie. Padčas prysudu Maskiera nie vykazaŭ nijakich emocyj.

Vynikovy prysud Justynu Maskiera budzie vyniesieny 24 kastryčnika 2025 hoda. Jamu pahražaje pažyćciovaje źniavoleńnie.

• 2
• 1
• 3
• 3
• 14
• 2
• 2
• 0