Ministerstva zamiežnych spraŭ Kałumbii zajaviła, što vyrašyła «tupikovuju situacyju» z ZŠA. Heta adbyłosia vielmi chutka paśla pahroz Trampa ŭvieści vysokija myty.
U niadzielu dva amierykanskija vajskova-transpartnyja samaloty pavinny byli dastavić z ZŠA ŭ Kałumbiju hrupu nielehałaŭ z hetaj krainy. Adnak prezident Kałumbii Hustava Pietra zabaraniŭ im pasadku.
Donald Tramp u adkaz zajaviŭ u svajoj sacsietcy Truth Social, što ŭvodzić 25-pracentnyja pošliny na ŭvieś impart z Kałumbii i vizavyja sankcyi suprać kałumbijskaha kiraŭnictva.
Hustaŭ Pietra adkazaŭ, što Kałumbija ŭviadzie takija ž pošliny na amierykanski impart. Ale vielmi chutka pieradumaŭ. «My praciahniem prymać kałumbijcaŭ, jakija viartajucca ŭ jakaści departavanych, harantujučy im hodnyja ŭmovy», — havorycca ŭ zajavie kałumbijskaha ŭrada. Taksama byŭ abiacany prezidencki samalot dla ablahčeńnia viartańnia hramadzian Kałumbii.
Bieły dom u adkaz vypuściŭ zajavu, što Kałumbija adstupiła, i tamu pošliny i sankcyi ŭviedzieny nie buduć.
«Urad Kałumbii pahadziŭsia na ŭsie ŭmovy prezidenta Trampa, uklučajučy nieabmiežavany pryjom usich nielehalnych zamiežnikaŭ z Kałumbii, jakija viartajucca sa Złučanych Štataŭ, u tym liku na vajennych samalotach ZŠA, biez abmiežavańniaŭ», — zajaviła administracyja Trampa.
«Siońniašnija padziei jasna pakazvajuć, što Amieryku znoŭ pavažajuć. Prezident Tramp raźličvaje, što ŭsie astatnija krainy śvietu buduć u poŭnaj miery supracoŭničać u spravie departacyi ich hramadzian, jakija niezakonna znachodziacca ŭ Złučanych Štatach», — havorycca ŭ zajavie Biełaha doma.
Ciapier čytajuć
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie34
Kamientary
I ZŠA faktyčna stvaryli dy paźniej pabudavali mihranty, tolki pierad usim heta byli WASP, a nie łacinasy, jakich u štatam usio bolš i bolš stała adnosna niadaŭna. Adčujcie roźnicu.
Tak što voś takija adkazy (nie adkaziki) na "pytańniečki" ci "pytaniusiečki".