U Biełarusi za pieršyja šeść miesiacaŭ 2025 hoda pa palityčnych artykułach asudzili 15 niepaŭnaletnich. Pra heta śviedčać danyja, apublikavanyja Viarchoŭnym sudom.
Dzieviać padletkaŭ byli pakaranyja pavodle artykuła 342 Kryminalnaha kodeksa — za arhanizacyju abo ŭdzieł u dziejańniach, što hruba parušajuć hramadski paradak. Jašče šeść niepaŭnaletnich asudzili pa inšych palityčnych artykułach: dvuch — za abrazu Łukašenki (art. 368), dvuch — za sadziejničańnie tak zvanaj «ekstremisckaj» dziejnaści (art. 361-4), i jašče dvuch — za źniavahu dziaržaŭnych simvałaŭ (art. 186-2).
Jakija mienavita pakarańni byli pryznačanyja padletkam, u statystycy nie ŭdakładniajecca.
Usiaho za pieršaje paŭhodździe 2025 hoda ŭ Biełarusi asudzili 237 niepaŭnaletnich — nie tolki za palityčnyja spravy, ale i za chulihanstva, złačynstvy, źviazanyja z narkotykami, i inšyja praviny.
Ciapier čytajuć
U Minsku pieradumali znosić chruščoŭki. Renavacyja zakranie dvuch-trochpaviarchovyja damy1
Kamientary