Paśla atak ukrainskich dronaŭ spynili pracu dva bujnyja rasijskija NPZ
U vyniku atak ukrainskich dronaŭ dva bujnyja naftapierapracoŭčyja zavody «Rasnafty» — Razanski i Navakujbyšaŭski — spynili ci značna skaracili pracu, paviedamiła ahienctva Reuters sa spasyłkaj na krynicy ŭ halinie.
Razanski NPZ, adzin z najbujniejšych u Rasii, zmoh praciahnuć pracu tolki napałovu, bo byli paškodžanyja asnoŭnyja ŭstanoŭki dla pierapracoŭki nafty.
Navakujbyšaŭski zavod całkam spyniŭ dziejnaść z 2 žniŭnia — heta pieršy taki vypadak z sakavika 2025 hoda. Tam dron paškodziŭ hałoŭnuju ŭstanoŭku pierapracoŭki nafty.
Pakul niezrazumieła, kali zavody zmohuć adnavić pracu ŭ poŭnym abjomie. Pavodle acenak, u Razani ramont moža zaniać adzin-dva tydni.
U 2024 hodzie Razanski NPZ pierapracavaŭ amal 13,1 miljona ton nafty, što skłała kala 5% usioj pierapracoŭki ŭ krainie. Navakujbyšaŭski NPZ — kala 5,7 miljona ton. Abodva pradpryjemstvy vypuskajuć bienzin, dyziel, mazut i avijapaliva.
Z-za častych atak dronaŭ i prablem z ramontami ŭ 2024 hodzie ŭzrovień pierapracoŭki nafty ŭ Rasii źniziŭsia da minimumu za apošnija 12 hadoŭ. Urad spyniŭ publikacyju mnohich statystyčnych danych pa hetaj temie.
Na hetym fonie aptovyja ceny na bienzin u Rasii praciahvajuć raści, navat niahledziačy na ŭviadzieńnie zabarony na jaho ekspart. U žniŭni i vieraśni analityki prahnazujuć mahčymy bienzinavy kryzis, jak heta ŭžo było ŭ 2018 i 2021 hadach. Pryčynami nazyvajuć niedachop zapasaŭ, rost vykarystańnia aŭtamabilaŭ i častyja pałomki na NPZ.
U Branskaj vobłaści USU padarvali most kala sutyku miežaŭ Biełarusi, Rasii i Ukrainy
Ukrainskija bieśpiłotniki ŭdaryli pa vajskovym zavodzie ŭ Pienzie
Rasija naroščvaje vytvorčaść «šachiedaŭ» i nieŭzabavie zmoža zapuścić 2000 za adnu noč
«Jany lidzirujuć». Kiełah vysoka acaniŭ vytvorčaść ukrainskich BPŁA
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary