Samki harył šukajuć u novych kampanijach svaich znajomych, jak ludzi na viečarynkach
Navukoŭcy vyśvietlili, što samki hornych harył, kali traplajuć u novyja hrupy, imknucca znajści tam znajomych samak — padobna da taho, jak ludzi na viečarynkach šukajuć znajomyja tvary. Heta dapamahaje im adčuvać siabie ŭpeŭniena ŭ novaj sacyjalnaj abstanoŭcy, bo ŭ čužoj hrupie jany časta znachodziacca na nizkim uzroŭni ijerarchii.
Takija vysnovy byli zroblenyja na padstavie daśledavańnia, apublikavanaha ŭ navukovym časopisie Proceedings of the Royal Society B. Jano bazujecca na 20-hadovych nazirańniach za pieramiaščeńniami 56 samak hornych harył.
Akazałasia, što haryły čaściej dałučajucca da tych hrup, dzie ŭžo jość samki, ź jakimi jany byli znajomyja jak minimum 5 hadoŭ abo bačylisia apošnija 2 hady.
Heta śviedčyć pra toje, što jany padtrymlivajuć sacyjalnyja suviazi, niahledziačy na raniejšyja pierakanańni, što haryły nie budujuć tryvałych adnosin pamiž samkami.
Cikava, što pry hetym samki staralisia nie dałučacca da hrup, dzie byli znajomyja ź dziacinstva samcy — vierahodna, kab paźbiehnuć blizkarodnasnych suviaziaŭ. Astatnija faktary, naprykład pamier hrupy ci kolkaść samcoŭ u joj, nie mieli značeńnia.
Navukoŭcy spadziajucca, što heta daśledavańnie dapamoža lepš zrazumieć nie tolki pavodziny harył, ale i čałaviečyja sacyjalnyja zvyčki, bo ludzi taksama na praciahu žyćcia mianiajuć sacyjalnaje asiarodździe.
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv16
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3333
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie33
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1111
Kamientary