Dziaŭčyna raskazała, jak pryjechała «bicca za kvateru» ŭ elitnym ŽK Minska, ale ŭsie raskupili praz 15 chvilin
«Niekatoryja biaruć pa dźvie-try kvatery», — raspaviała maładaja maci.
Ažyjataž u dzień startu prodažu kvater u elitnym ŽK «Paŭnočny bierah» u Minsku ŭźnikaje nie ŭpieršyniu. Vysokija ceny ludziej nie pužajuć. Siarod pryčyn papularnaści — malaŭničyja krajavidy. Kompleks znachodzicca ŭ paŭnočnaj častcy Minska, na pravym bierazie Cnianskaha vadaschovišča. Uzdoŭž vadajoma abstalavany Lakeside Park.
Maładaja maci, jakaja pracuje indyvidualnaj pradprymalnicaj, pakazała ŭ tyktoku, jak jany z mužam sprabavali atrymać mahčymaść pabudavać tam kvateru.
Para pryjechała da startu prodažu, ale ž u čarzie atrymała numarok 37 — ludziej było davoli šmat. Pry hetym, prodaž pačynaŭsia adnačasova ŭ dvuch roznych ofisach kampanii-zabudoŭščyka, tamu pretendentaŭ na elitnuju nieruchomaść było bolš.
Smotritie do konca
— Schiema nastupnaja: u paradku čarhi da vas padychodzić mieniedžar, i ŭ vas jość 5-10 chvilin dla taho, kab zabraniravać kvateru — i ŭ hety ž dzień treba padpisać damovu.
Usie kvatery razabrali za pieršyja 15 chvilin — maładaja siamja zastałasia ni z čym, da pary navat čarha nie paśpieła dajści. Dziaŭčyna adznačaje: ludzi adrazu braniravali 2-3 kvatery — jak jana miarkuje, dla taho, kab potym pierapradać.
Ale aptymizmu nie stračvaje:
— Kvartał budzie budavacca da 2040 hoda, tamu ŭ nas jašče jość čas.
Minčanka taksama raspaviała, kolki kaštuje toje samaje žyllo mary. Cana kvadratnaha mietru zaležyć ad płoščy kvatery (čym jana bolšaja, tym tańniej atrymoŭvajecca kvadrat) i ad pavierchu (čym vyšejšy, tym daražej).
Voś dla prykładu kolki kaštujuć kvatery ŭ domie, jaki pabudujuć tolki ŭ trecim kvartale 2027 hoda. Usie ceny zabudoŭščyk paznačaje ŭ jeŭra: 33-mietrovaja kvatera na šostym paviersie kaštuje 55 tysiač jeŭra, na vośmym — užo 66 tysiač jeŭra. Za 67-mietrovuju kvateru na čaćviortym paviersie treba zapłacić 105 tysiač jeŭra, a na vośmym — 112 tysiač.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?2
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
Pomniu jeho intierv́ju jeŝie Toku v (to li 2019, to li piervaja połovina 2020) - hdie on rasskazyvał kak biełarusy tolko chleb i vodu jediat (to jesť do sankcij jeŝie). Vot takoje priedstavlenije čiełovieka o riealnoj situacii