Błohiercy nie pradali rečy ŭ Paryžy z-za biełaruskaha pašparta
Błohierka Jeva Koktyš nie zmahła kupić luksavyja rečy ŭ kramie Saint Laurent u Paryžy praz sankcyi, pra jakija nie viedała, zaŭvažyŭ «Biełsat».
Jeva Koktyš žyvie ŭ Maskvie, majučy biełaruskaje hramadzianstva i miljon padpisčykaŭ u Instagram. U sacsietkach jana publikuje terabajty fotazdymkaŭ z padarožžaŭ i piša pra pryhažość i štodzionnaść.
Ciapier błohierka znachodzicca ŭ Paryžy, dzie joj admovili ŭ absłuhoŭvańni ŭ luksavaj paryžskaj kramie z-za biełaruskaha pašparta. Pra heta paviedamiła ŭ TikTok jaje siabroŭka NIKKI SEY, jakaja adpačyvaje ŭ francuzskaj stalicy razam ź joju.
Pa jaje słovach, dziaŭčaty pryjšli ŭ kramu brenda Saint Laurent, dzie Jevie Koktyš admovilisia pradavać rečy z-za biełaruskaha hramadzianstva. Hetak ža zrabili i z padarožnikami z rasijskim pašpartam.
«Ja prosta ŭ šoku. Pieršy raz sa mnoj takoje adbyvajecca», — kaža Koktyš u videa.
Miarkujučy pa ŭsim, dziaŭčyna nie chłusić: na fota i videa jana ŭvieś čas fatahrafujecca z pakupkami ź inšych bucikoŭ.
Zabaronu na ŭvoz u Rasiju i Biełaruś pradmietaŭ raskošy (daražej za 300 jeŭra za adnu adzinku) uviali jašče ŭ 2024 hodzie razam z čaćviortym pakietam sankcyj Jeŭrasajuza, tamu krama Saint Laurent zrabiła ŭsio pa zakonie.
-
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia
-
Kolkaść mašyn na polskaj miažy ŭpieršyniu za dva tydni apuściłasia nižej za 4000 aŭtamabilaŭ
-
Zatrymany staršynia Paralimpijskaha kamiteta Aleh Šepiel
Kamientary